Halyqaralyq grossmeister Jansaia Äbdımälık Almaty şahmat federasiiasynyŋ prezidentı bolyp taǧaiyndaldy, dep habarlaidy “Adyrna” ūlttyq portaly federasiianyŋ baspasöz qyzmetıne sılteme jasap.
Jaŋa ūiym megapoliste şahmat mädenietın damytpaq.
Baspasöz qyzmetınıŋ mälımetıne säikes, federasiia 2024 jylǧa deiın tört negızgı baǧytty damytudy josparlap otyr.
“Ol: tūrǧyndar arasyndaǧy jappai sport, mektep baǧdarlamasyndaǧy şahmat, joǧary nätijelı sport, ardagerlerdı qoldau”, – dedı Jansaia Äbdımälık.
Joǧary nätijelı sportty damytu aiasynda balalar-jasöspırımder sportyn qoldau, 8 jäne 18 jas aralyǧyndaǧy sportşylardan Almaty qūramasyn qūru, Qazaqstan, Aziia, älem chempionattarynan, sondai-aq, 16 jasqa deiıngı balalarǧa arnalǧan Olimpiadadan jüldelı oryn alu maŋyzdy mındetterdıŋ bırı bolyp tabylady.
"Ärine, basty mäselelerdıŋ bırı qarjylai qoldau tabu bolyp tabylady. Sebebı aqşasyz sport federasiiasynyŋ qyzmetı kürdelenedı. Almaty şahmat Federasiiasy käsıbi sportşylar men şahmatty süiuşılerge eŋ jaqsy jaǧdai jasau maqsatynda demeuşılermen serıktestık ornatu üşın ärdaiyn aşyq", - dedı 22 jastaǧy prezident.
“Adyrna” ūlttyq portaly
