Májiliste bıylǵy bıýdjetti naqtylaý kezinde Almaty, Atyraý, Mańǵystaý jáne Túrkistan oblystarynda eki myńǵa jýyq muǵalimniń aılyǵy ósetini belgili boldy, dep habarlaıdy ”Adyrna” ulttyq portaly Azattyq Rýhy saıtyna silteme jasap.
Májilis depýtaty Jámılá Nurmanbetova muǵalim jetispeýshiligi joǵary óńirlerde úzdik pedagogterdi qoldaýdyń tıisti jobasy bar ekenin aıtty. Onyń sózinshe, joba aıasynda Almaty, Atyraý, Mańǵystaý jáne Túrkistan oblystarynda 2 myńǵa jýyq muǵalimdi tartý úshin 3,9 mlrd teńge kózdelgen.
«Osy rette laýazymdy qyzmetkerdiń jalaqysyn arttyrý úshin qarajat qarastyrylǵan. Odan bólek, álemýettik qoldaý sharalaryna qarajat bólý kózdelmegen. Al ózge óńirlerden kóship kelgen ustazdardy baspanamen qamtý sııaqty másele qarastyrylǵan ba?» degen saýal joldady.
Bilim jáne ǵylym mınıstrligi Ashat Aımaǵambetov bul baǵdarlama bıyl qyrkúıek aıynan bastalatynyn, sol sııaqty jalaqy úshin jalpy somasy 3,9 mlrd teńge qarastyrylǵanyn jáne áleýmettik máselelelerdi sheshý qaralǵanyn aıtty.
«Iaǵnı, bul óńirge barǵan muǵalimder eki ese jalaqy alady jáne baspana jaldaý aqysy men kommýnaldyq shyǵyndary óteledi. Mysaly, munaıly aýdanǵa basqa óńirden muǵalim kóship baratyn bolsa, aılyǵy 790 myń teńgege jýyq bolady. Bul jobaǵa qatysatyn muǵalimderdiń biliktiligi joǵary bolý kerek. Magıstratýrada oqyǵan maman bolýy kerek. Olar arnaıy irikteý emtıhandarynan mindetti túrde ótedi. Talaptarǵa saı bolǵan ustazdar atalǵan óńirlerge kóship baryp, eki ese joǵary jalaqy alady», - deıdi mınıstr.
”Adyrna” ulttyq portaly
