Blogerlerdıŋ qymbat tūratyn kursyn satyp alyp, şaǧymdanyp jatqan Almatylyqtardyŋ qarasy köbeidı, dep habarlaidy “Adyrna” ūlttyq portaly Almaty telearnasyna sılteme jasap.
Aiaqtalmaǧan kurstardyŋ aqşasyn qaitarudy 20 adam talap etıp otyr. Ol üşın olar kompaniianyŋ keŋsesıne basyp kırdı.
"Būl Pro-land kompaniiasy. Oflain sabaǧy 500 myŋ teŋge tūrady. Sabaq negızı 70 kün ötuı kerek bolatyn. Bıraq 2 aiǧa tolmai, toqtap qaldy. Sabaq nege toqtap qalǧanyn eşkım tüsındırgen joq. Ary qarai ne bolady? Bız aqşany qaitarudy sūradyq. Bıraq olar habarlaspady, jauap bermedı. Polisiia şaqyryp, aryz jazuǧa mäjbür boldyq", - deidı taǧy bır qala tūrǧyny Ǧaziza Baidäulet.Pro-land keŋsesınıŋ aldyna jinalǧandardyŋ aituynşa, olardyŋ arasynda basqa blogerden zardap şekkender de bar. Adamdar kursta alynǧan aqparattyŋ tiımsız ekenın jäne olardyŋ ümıtın aqtamaitynyn aitty.
"Jūldyz Aqbolat hanymnyŋ kursyn alyp otyrmyz, tegın vebinar dedı. Jaraidy dedık. Aqyry aqşa tabu üşın jürgen adam bolǧandyqtan. Bız siiaqty qanşama adam jylap otyr", - deidı qala tūrǧyny Zarina Mädıbekova.Al basy dauǧa qalǧan kompaniianyŋ zaŋgerı şaǧymdanuşy taraptyŋ aryzy orynsyz dep otyr. Sözınşe, bılım aluǧa bekıngen azamattar tapsyrmany tolyq oryndamady deidı.
"Ol nişalaryna sai kelmeidı. Tabys tapqan joqpyz dep şaǧym aityp jatyr. Özderınıŋ tarapynan ol kısıler tapsyrmalardy oryndau kerek bolǧan. Kompaniianyŋ atynan jäne Jūldyz hanymnyŋ atynan barlyq şart oryndaldy. Sabaqtyŋ bärı saitta tūr. Segız moduldan tūrady", - deidı zaŋger Saltanat Dihanbaeva.Telearnanyŋ mälımetınşe, polisiia departamentı būl fakt boiynşa tekseru jürgızgen. Alaida tärtıp saqşylary būl azamattyq ıs bolǧandyqtan eşkımdı ūstamady, sondyqtan daudy sot arqyly şeşudı ūsyndy.
“Adyrna” ūlttyq portaly
