Prezidenttıŋ baspasöz hatşysy Ruslan Jeldıbai facebook paraqşasynda memleket basşysy Toqaev öz jıtı baqylauyna alǧan mäselenı atady, dep habarlaidy “Adyrna” ūlttyq portaly.
“Bügın Memleket basşysy Qasym-Jomart Toqaev «Egemen Qazaqstan» gazetınde jariialanǧan «Küre joldaǧy kürsınıs» atty maqalaǧa nazar audardy.
Basylym Batys Qazaqstan oblysyndaǧy küre joldar jaǧdaiynyŋ naşarlyǧyna bailanysty mäsele kötergen. Prezident būl öŋırdıŋ kölık-logistikalyq äleuetın jaŋǧyrtu maŋyzdy mındettıŋ bırı ekenın jäne avtojoldardyŋ 70 paiyzynyŋ sapasy syn kötermeitının 2019 jyly aitqan bolatyn. Memleket basşysy Oralda ötken kezdesude «būl azamattardyŋ kündelıktı ömırınde qiyndyq tuǧyzyp qana qoimaidy, sondai-aq öŋırdıŋ eksporttyq jäne tranzittık äleuetın tömendetedı» degen edı. Prezident sol kezde Ükımetke äkımdıkpen bırlesıp, Qaztalov, Jänıbek jäne Bökei ordasy audandaryndaǧy joldardy jöndeu jūmystaryn 2021 jyldyŋ soŋyna deiın aiaqtauǧa tapsyrma berdı jäne būl mäsele özınıŋ jeke baqylauynda bolatynyn erekşe atap öttı.Alaida «Egemen Qazaqstan» gazetındegı mälımetter boiynşa osy audandardy oblys ortalyǧymen bailanystyratyn joldarǧa älı künge deiın asfalt töselmegen. Qūrylys jūmystary bekıtılgen kesteden aitarlyqtai qalyp keledı jäne qarjy mäselesınde de tüitkılder bar.
Jergılıktı tūrǧyndar joldyŋ joqtyǧynan zardap şegıp otyr, äsırese köktem men küzde jaǧdai mülde uşyǧa tüsedı. Memleket basşysy Ükımet pen oblys äkımdıgıne barlyq qajettı şarany tez arada qabyldaudy tapsyrdy. Tiıstı jūmystardyŋ belgılengen merzımde oryndalmauyna kınälıler jazalanuǧa tiıs. Prezident būl mäselenı şeşudı Premer-Ministr Älihan Smaiylovqa jüktedı”,- dep jazdy ol.
“Adyrna” ūlttyq portaly
