Túrkistan oblysynda Qyzyl kitapqa engen qyzǵaldaqtar joıylý aldynda tur, dep habarlaıdy "Adyrna" ulttyq portaly.
"Habar 24"-tiń habarlaýynsha, tabıǵat janashyrlary osylaı dep dabyl qaqty. Sebebi qyzǵaldaqqa qyzyǵyp, tamyrymen julatyndar kóp.
Sırek kezdesetin gúldi taptaıtyndarǵa toqtam bolmasa, taıaý jylda Greıg qyzǵaldaǵyn tek teledıdardan kórip, kitaptan oqımyz deıdi mamandar.
Shubaıqyzyl – qart Qaratýdyń etegindegi erekshe jer. Qyzyl kitapqa Greıg, Kaıfman qyzǵaldaǵy degen atpen engen jaýhazyndar ár kóktem saıyn tek osy jerde ǵana gúl ashady.
Ekologtardyń aıtýynsha, jyldyń osy mezgilinde dál osyndaı qyzǵaldaqtardy elimizdiń basqa eshbir óńirinen kezdestire almaısyz. Tek Túlkibas aýdanyndaǵy Shubaıqyzyl shoqysynda ósedi. Adamdardyń qorshaǵan ortaǵa degen kózqarasy ózgermese, keıingi urpaq tabıǵattyń mundaı syıyn kórmeýi múmkin deıdi. Sebebi osydan 10 jyl buryn qyzǵaldaq ósetin aýmaq 20 gektardan asatyn bolsa, jyldan jylǵa kemip kele jatqanyn aıtady.
"Adyrna" ulttyq portaly
