Türkıstan oblysynda Qyzyl kıtapqa engen qyzǧaldaqtar joiylu aldynda tūr, dep habarlaidy "Adyrna" ūlttyq portaly.
"Habar 24"-tıŋ habarlauynşa, tabiǧat janaşyrlary osylai dep dabyl qaqty. Sebebı qyzǧaldaqqa qyzyǧyp, tamyrymen jūlatyndar köp.
Sirek kezdesetın güldı taptaityndarǧa toqtam bolmasa, taiau jylda Greig qyzǧaldaǧyn tek teledidardan körıp, kıtaptan oqimyz deidı mamandar.Şūbaiqyzyl – qart Qaratudyŋ etegındegı erekşe jer. Qyzyl kıtapqa Greig, Kaifman qyzǧaldaǧy degen atpen engen jauhazyndar är köktem saiyn tek osy jerde ǧana gül aşady.
Ekologtardyŋ aituynşa, jyldyŋ osy mezgılınde däl osyndai qyzǧaldaqtardy elımızdıŋ basqa eşbır öŋırınen kezdestıre almaisyz. Tek Tülkıbas audanyndaǧy Şūbaiqyzyl şoqysynda ösedı. Adamdardyŋ qorşaǧan ortaǧa degen közqarasy özgermese, keiıngı ūrpaq tabiǧattyŋ mūndai syiyn körmeuı mümkın deidı. Sebebı osydan 10 jyl būryn qyzǧaldaq ösetın aumaq 20 gektardan asatyn bolsa, jyldan jylǧa kemıp kele jatqanyn aitady.
"Adyrna" ūlttyq portaly
