"Astana EKSPO-2017" ūlttyq kompaniiasynyŋ būrynǧy basşysy Talǧat Ermegiiaev sottan özın qonys koloniiasyna auystyrudy sūrady. Būl turaly Almaty oblystyq sotynyŋ Tengrinews.kz resmi saualyna bergen jauabynda aityldy, dep habarlaidy "Adyrna" ūlttyq portaly.
Qazırgı uaqytta Ermegiiaev Qapşaǧai ırgesındegı Zarechnyidaǧy qataŋ rejimdegı koloniiada jazasyn ötep jatyr. Ol 14 jyldyq jazasynyŋ jartysyna juyǧyn qataŋ rejimdegı mekemelerde ötegen. Alaida ekı jyl būryn "Astana EKSPO-2017" körmesınıŋ eks-töraǧasy jeŋılırek rejimdegı koloniiaǧa auystyrudy sūraǧany belgılı boldy.
Esterıŋızge sala keteiık, 2016 jyldyŋ jazynda "Astana EKSPO-2017" ūlttyq kompaniiasynyŋ būrynǧy töraǧasy Talǧat Ermegiiaev asa ırı kölemde para alǧany jäne böten mülıktı ūrlaǧany üşın kınälı dep tanyldy. Sot ony qataŋ rejimdegı koloniiada 14 jylǧa bas bostandyǧynan aiyrdy. Sol kezde sot onyŋ barlyq mülkın tärkıleuge qauly etken edı.
"2018 jyly şıldede zaŋnamamyz özgerdı. Osyǧan bailanysty 2020 jyly Ermegiiaev oǧan qatysty Qylmystyq kodekstıŋ 6-babyn qoldanu turaly, iaǧni "sottalǧan adamnyŋ jaǧdaiyn jaqsartatyn, jazany öteudı jeŋıldetu turaly" ötınışhat berdı. Ol jazasyn öteu üşın eŋ tömengı qauıpsızdık mekemesıne jıberudı sūrady. Sol jyldyŋ jeltoqsanynda Qapşaǧai qalalyq soty būl talapty qanaǧattandyrudan bas tartty. 2021 jyly sottaluşynyŋ advokattarynan osy sot şeşımıne şaǧymdar kelıp tüsken. Keiınırek sol jyldyŋ aqpanynda Almaty oblystyq soty şaǧymdy qanaǧattandyrusyz qaldyrdy", - dedı sot ökılderı.
Esterıŋızge sala keteiık, 2016 jyldyŋ jazynda "Astana EKSPO-2017" ūlttyq kompaniiasynyŋ būrynǧy töraǧasy Talǧat Ermegiiaev asa ırı kölemde para alǧany jäne böten mülıktı ūrlaǧany üşın kınälı dep tanyldy. Sot ony qataŋ rejimdegı koloniiada 14 jylǧa bas bostandyǧynan aiyrdy. Sol kezde sot onyŋ barlyq mülkın tärkıleuge qauly etken edı.
"Adyrna" ūlttyq portaly
