Şymkentte 39 jastaǧy er adamdy öz äielı pedofil dep aiyptady. Kelınşektıŋ aituynşa, ol 8 jasar tuǧan qyzyna azǧyndyq jasaǧan dep habarlaidy “Adyrna” ūlttyq portaly stan.kz-ke sılteme jasap.
Sūmdyq jaitty jetkınşektıŋ özı anasyna aityp berıptı. Poliseiler otaǧasyn bırden ūstaǧanymen, köp ūzamai bosatqan.
Aşynǧan äiel ıstıŋ toqtatyluyna küieuınıŋ tergeuşı men prokuror tuystary yqpal etken dep esepteidı. Sondyqtan küieuınıŋ qaitadan qamaluyn talap etıp otyr. Alaida tärtıp saqşylary jasöspırımge seksualdy sipattaǧy zorlyq-zombylyq körsetu babymen ıs qozǧalyp, saraptama taǧaiyndalǧanyn jetkızdı.
Aty-jönın atamaudy ötıngen äieldıŋ aituynşa, küieuınıŋ azǧyn ekenın aqpanda bılgen. Körşı kelınşektermen seruendeuge şyqpaq bolǧanda qyzy üide äkesımen jalǧyz özın qaldyrmauyn ötınıp şyryldapty. Sebebın sūraǧanda, sūmdyq jaitty aitqan. Üş ūl men bır qyz tärbielep otyrǧan äke jylǧa juyq uaqyt öz qyzyna bılgenın ıstep kelıptı deidı kelınşek.
«Men üide joq kezde ülken balamdy baryp oinap kel dep igrotekaǧa jıberedı eken. Al kışkentailar otyrady eken multfilmge qarap, ıstep otqan ısıne», – deidı jäbırlenuşı.Mūny estıgen äiel dereu polisiia emes, ata-enesın şaqyrǧan. Bıraq künıge esırtkı şegetın ony tuystary «özımız emdep alamyz» dep araşalapty. Keiın ūryp-soǧatyndy şyǧarǧan soŋ polisiiaǧa aryz tüsırdım deidı.
«Tergeuşı jäne de prokuror barlyǧy bır auyldan, keiın bıldım bärı bır auyldan eken. Rulas. Istıŋ barlyǧyn jyly jauyp otyr. Bergen aiǧaqtardyŋ bärın joqqa şyǧaryp otyr. Sol kezde jaŋaǧy aitty, men būl jaǧdai pedofildık üşın ary ketse 10 jyl otyramyn. 10 jyldan keiın bärıbır şyǧyp, senı jäne qyzymdy öltıremın dedı sol kezde», – deidı äiel.Asa auyr aiyppen 10 jyl otyrmaq tügılı, 10 künnen keiın erkındıkke şyqqanyna zaŋgerler de aŋ-taŋ. Advokat Nūrken Qalmyrzaev būl ıs boiynşa kuägerdıŋ bar ekenın aitady. Bıraq tergeuşı būǧan män bermeptı.
«Negızı, kuä bolǧan bır jasöspırım bala bar. Ony tergeuşıge aitqan deidı. Bıraq tergeuşı ony özınıŋ jauap hattamasynda körsetpegen. Prokuror öz qaulysynda jazady sot saraptamalary daiyn bolmauyna bailanysty osyndai bosatyluǧa jatady dep. Al negızı mūndai jaǧdaida zaŋ boiynşa sozyluy kerek edı. Sebebı erteŋ ol saraptamany prokuror bılmeidı ǧoi. Ol erteŋ qorytyndy beretının mysaly», – deidı advokat Nūrken Qalmyrzaev.Al poliseiler bolsa ıske endı kırısıp jatyr. Iаǧni, tergeuşını auystyryp, kuägerlerden jauap aludy bastapty. Saraptamalar da tolyq taǧaiyndalǧanyn jetkızdı. Bıraq älı küdıktı qamalmaǧan.
«Küieuı jasöspırım qyzyna seksualdy sipattaǧy zorlyq-zombylyq äreketterın jasaǧany boiynşa körsetken. Būl aryz bırden Eŋbekşı APB-nyŋ bıryŋǧai tırkep tekseru tızımıne tırkeldı. QR QK-nıŋ 121-baby, 4-bölıgı, ol seksualdy sipattaǧy zorlyq-zombylyq äreketter jasöspırımge jasalǧany turaly. Bıraq sotqa deiıngı tergeu amaldary jalǧasyp jatyr. Bırneşe saraptamalar taǧaiyndaldy», – deidı Şymkent qalalyq PD resmi ökılı Saltanat Qaraközova.Zaŋ boiynşa küdıktı endı öz otbasyna jaqyndamauy jäne qoŋyrau şalmauy kerek. Äitpese, bırden qamalady. Bıraq küieuınıŋ künıge anaşa şegetının aitqan äielı odan ölerdei qorqady. Taksi qyzmetınde ısteitın küieuım äketuı mümkın dep qyzyn da mektepke jıberudı qoiypty.
“Adyrna” ūlttyq portaly
