«Tomiris» kıtabynyŋ avtory Erjan Orymbetov Orda.kz redaksiiasyna jügındı. Ol avtorlyq qūqyqty būzǧany üşın Äliia Nazarbaevany sotqa berudı josparlap otyrǧanyn, onyŋ äkesı Nūrsūltan Nazarbaevtan qosa jauap alu keregın aitty, dep habarlaidy “Adyrna” ūlttyq portaly.
Jazuşy 2019 jylǧy «Tomiris» filmınıŋ ssenariiı, negızınen onyŋ 2013 jylǧy «Tomiris» kıtabynan köşırılgenıne senımdı.
Ssenariidı Timur Jaqsylyqov (ssenarist jäne akter) men Äliia Nazarbaeva jazǧan. Tapsyrys beruşı – Mädeniet jäne sport ministrlıgı. Jazuşynyŋ olarǧa baǧyttalǧan negızgı talaby bar. Orymbetov rejisserler onyŋ kıtabynan siujettı, ondaǧan körınıster men dialogtardy, keiıpkerlerdıŋ mınez-qūlyq erekşelıkterın, mistisizm elementterın, tıptı ideianyŋ özın köşırıp alǧanyn aitady.
«Tomiris filmıne qatysty jasalǧan avtorlyq qūqyq şaǧymdaryma bailanysty maǧan qysym körsetılıp, türlı qoqan-loqqylar jasaldy. Men ol kezde bırden sotqa jügıngen joqpyn, öitkenı mümkındıgım bolmady, qatty auyrǧan edım», - dep tüsındıredı Orymbetov.
Filmdı tüsıruge şamamen 3 milliard teŋge jūmsaldy, dedı filmnıŋ aldyn ala körsetılımınde. Mūny «Qazaqfilm» AQ-nyŋ būrynǧy prezidentı Arman Äsenov aitty. Al jalpy “Tomiris” filmınde Äliia Nazarbaeva bas prodiuser ǧana emes, Timur Jaqsylyqovpen bırge ssenariidıŋ teŋ avtory retınde körsetılgen. Eks-Mädeniet jäne sport ministrı Aqtoty Raiymqūlovtyŋ aituynşa, tarihi drama bır aida kassadan nebärı 480 million teŋge jinaǧan.
«Negızı, «Tomiris» filmınıŋ ssenariiın äzırleuge kelısımşart Äliia Nazarbaevamen jasalǧan. Sonymen qatar, rejisser Sataevpen kezdesuınde Elbasynyŋ özı «Tomiris» filmınıŋ ssenariiıne qatysty ūsynystaryn bıldırdı. Sondyqtan men ony talap aryzǧa jauapty retınde tartqym keledı. Būl qadam Qazaqstan Respublikasy Konstitusiiasyndaǧy onyŋ märtebesı turaly jaŋa özgerısterge qanşalyqty säikes keletının anyqtau qajet», - dedı Orymbetov.
Erjan Orymbetovtyŋ aituynşa, tek ädıldıkke jetıp, bar şyndyqty Qazaqstan halqyna jetkızgısı keledı. Jazuşynyŋ taǧylǧan aiyptaryna tüsınıkteme berudı sūrap, Elbasyǧa saual joldaǧan edık.
“Adyrna” ūlttyq portaly
