Óskemende kólik júrgizýshilerinen para almaıtyn polıeıler marapattaldy, dep habarlaıdy “Adyrna” ulttyq portaly “Aıqyn” basylymyna silteme jasap.
Shyǵys Qazaqstan oblystyq sybaılas jemqorlyqqa qarsy is-qımyl departamentiniń habarlaýynsha, tártip saqshylaryna parany jol erejesin buzǵan júrgizýshiler usynady.
«Aıyppul tólegisi kelmeıtin júrgizýshiler máseleni beıbit jolmen sheshkisi keledi. Iaǵnı, aqsha usynady. Bizdiń sybaılas jemqorlyqqa qarsy qyzmet osy oraıda para alýdan bas tartqan polıeılerdi marapattaýdy jón dep uıǵardy», – deıdi oblystyq sybaılas jemqorlyqqa qarsy is-qımyl departamenti basshysynyń birinshi orynbasary Talǵat Bashev.
Marapattalǵandyń biri – aǵa leıtenant Álıhan Balapanov. «Jol erejesin buzǵan azamat hattama toltyrý barysynda maǵan para retinde bes myń teńge usyndy. Munyń zańǵa qaıshy ekenin eskertkenimmen, ol azamat kónbedi. Aıaǵy tıisti oryndarǵa habarlaýǵa týra keldi», – deıdi ol.
“Adyrna” ulttyq portaly
