Qazaqstandyq oquşylar AQŞ-ta ötken robottehnika chempionatynda bas jüldege ie boldy

Qazaqstandyq oquşylar AQŞ-ta ötken robottehnika boiynşa chempionatta bas jüldege ie boldy, - dep habarlaidy “Adyrna” ūlttyq portaly Tengrinews.kz saityna sılteme jasap.  20-23 säuır aralyǧynda Hiustonda (AQŞ) 7-9 jas aralyǧynda robottehnika boiynşa FIRST LEGO LEAGUE älem chempionaty öttı. 2022 jyly älemnıŋ tükpır-tükpırınen kelgen oquşylarǧa arnalǧan jarystyŋ taqyryby - jük tasymaly boldy. Älemdık forumda LEAS qosymşa bılım beru ortalyǧynyŋ atynan Qazaqstan komandasy öner körsettı. Almatydan barǧan oquşylar tiımdı jük tasymaldaryna bailanysty problemalardy şeşudıŋ bırneşe jolyn ūsyndy, olardyŋ arasynda drondary bar poiyz da boldy. Olar eŋ basty nominasiiada - Challenge Solution Award - "Eŋ üzdık jobalyq şeşım" boiynşa jeŋıske jettı.

"Olar jük tasymaldaryn, jük tasymaldaudyŋ qandai täsılderı bar ekenın, basqa öŋırlerde jetkızu qalai jolǧa qoiylǧanyn, bügınde qandai innovasiialyq şeşımder bar ekenın zerttedı. Balalar ideialar oilap tauyp, olardy mūqiiat pysyqtady. Ūzaq uaqyt daiyndaldy. Negızgı qiyndyqtardyŋ bırı - aǧylşyn tılımen jūmys jasau dep aituǧa bolady. Bızdıŋ daiyndyq, körsetken ideiamyz sudialarǧa ülken äser qaldyrdy, olar bızge tamaşa pıkırler jazdy", - dep bölıstı Maqajanov tılşıge bergen sūhbatynda.

Robototehnika boiynşa älem chempionatynda älemnıŋ tükpır-tükpırınen 60 komanda qatysty, alaida qazaqstandyq balalardyŋ jobasy Eŋ üzdık ataqqa ie boldy. 4D atty komandada almatylyq tört bala - Deniel Kim, Demid Boborenko, Daniial Mūratov jäne Diar Adam Aibar boldy.

"Qazaqstandaǧy kölıktıŋ negızgı türlerınıŋ bırı - temırjol. Ülken aumaqta köp qala joq, sondyqtan şaǧyn qalalarǧa tauap jetkızudı jeŋıldetu üşın bız drondary bar poiyz jasadyq. Poiyz belgılı bır stansiiaǧa jaqyndaǧanda, drondar odan ūşyp şyǧyp, arnaiy "dron qabyldau bazasyna" barady. Sol jerge sälemdemelerdı qaldyryp, odan ary poiyzǧa oralady. Būl sälemdemelerdı jetkızudı jäne öŋdeudı tezdetedı", - dep tüsındırdı Daniel Kim.

Būl ideiaǧa amerikalyq Google korporasiiasy da qyzyǧuşylyq tanytyp otyrǧany aityldy. Qorporasiia ökılderı qazaqstandyq chempiondardy bolaşaqta Google-ǧa jetekşı injener boluǧa şaqyrǧan eken.

“Adyrna” ūlttyq portaly