QR Aqparat jäne qoǧamdyq damu ministrlıgı men «Azamattyq bastamalardy qoldau ortalyǧynyŋ» qoldauymen «Adyrna» qory «Jastardy äleumettendıru jäne oŋaltu» jobasy aiasynda TED-x formatyndaǧy konferensiia men talqylau alaŋyn ötkızdı, dep habarlaidy «Adyrna» ūlttyq portaly.
Is-şara maqsaty — NEET jastarynyŋ qordalanǧan mäselelerınıŋ şeşu joldaryn qarastyryp, jobalyq keŋse tarapynan jastarǧa kömek beru. Sondai-aq, jastardy bolaşaq ömırıne baǧyt berıp, yntalandyru jäne şyǧarmaşylyq äleuetın damytu deidı joba ūiymdastyruşysy.
Kezdesu barysynda bügıngı künı eŋbek naryǧyndaǧy qajettı mamandyqtar jäne qai salany belsendı damytu kerek, jastardy käsıpkerlık qyzmetke oqytu, käsıpkerdıŋ qajettı daǧdylary, jastarǧa berılgen mümkındık pen sony qalai dūrys paidalanu kerektıgı jaiynda söz boldy.
«Jalpy, tehnikalyq salalar boiynşa bızdıŋ elımızge köbırek jastardyŋ kelgenı jaqsy. Jaratylystanu baǧyty boiynşa köptegen mamandar jetıspeidı. Sonyŋ ornyn şeteldık mamandar toltyryp jatyr. Sol üşın jastarǧa köbırek nasihat kerek», — dedı «Adyrna» ūlttyq-etnografiialyq bırlestıgı qoǧamdyq qorynyŋ jetekşısı Arman Äubäkır.Is-şara spikerı «Qazaqstan» ūlttyq arnasy «Ashyq alań» baǧdarlamasynyŋ jürgızuşısı Maqsat Tolyqbai jäne bloger, jurnalist Däulet Mūqaev jastarǧa mansap jäne jeke ösu üşın ömırlık daǧdylardy damytudaǧy täjıribelerımen bölıstı.
«Menıŋ būl jobadaǧy maqsatym “Äreketke bereket, adam bos jatpai eŋbektenu kerek” degen ūstanymmen ömırı jarqyn jaqqa özgerıp jatqan oqyrmandarymdy mysalǧa ala otyryp jastarǧa jıger beru, baǧyt-baǧdar beru»,-deidı bloger, jurnalist Däulet Mūqaev.
Kezdesu barysynda bügıngı künı eŋbek naryǧyndaǧy qajettı mamandyqtar jäne qai salany belsendı damytu kerek, jastardy käsıpkerlık qyzmetke oqytu, käsıpkerdıŋ qajettı daǧdylary, jastarǧa berılgen mümkındık pen sony qalai dūrys paidalanu kerektıgı jaiynda söz boldy.
«Jetıstıkke jetudıŋ eşqandai töte joly joq. Bärı eŋbekpen keledı. Bız keide ūiyqtaǧandy jaqsy köremız. Bıraq, jetıstıkke jetkıŋ kelse ūiqy mäselesın bırınşı orynǧa qoiyp, erte tūrudy üirenu kerek. Ekınşı mäsele bılım. Qandai da bır biznes aşqyŋ kelse, bılım al, kurstarǧa qatys. Qazır jastarǧa mümkındık köp.»,- deidı jurnalist Maqsat Tolyqbai.
