Bügın būqaralyq aqparat qūraldarynda Memleket basşysy Qasym-Jomart Toqaevtyŋ Qazaqstanda Konstitusiiaǧa engızıletın tüzetuler jobasy boiynşa referendum ötkızu turaly ūsynysy jaryq kördı. Būl turaly Senat deputaty Aqmaral Älnazarova aitty, dep jazady “Adyrna” ūlttyq portaly baq.kz-ke sılteme jasap.
Ädette referendumdar köbınese maŋyzdy zaŋ aktısın, qūjatty, Konstitusiiaǧa tüzetulerdı qabyldau üşın ötkızıledı. Konstitusiiaǧa būl tüzetuler ırgelı sipatqa ie jäne eldıŋ saiasi jüiesın tübegeilı özgertetın özgerıster. Öz basym būl ūsynysty qūptarlyq dep körem, sebebı būl referendum Prezidentımızdıŋ «halyqtyŋ ünıne qūlaq asatyn memleket» konsepsiiasynyŋ jalǧasy retınde siiaqty, - dedı Älnazarova.Deputat ataǧandai, ondaǧy basty ideia - azamattyŋ müddelerı basty orynǧa şyǧaru.
Onda memlekettık organdardyŋ azamattarmen özara ärekettese otyryp, azamattardyŋ şeşım qabyldau jäne olardyŋ baqylau prosesıne tartyluyna mümkındık beretın kedergısız memleket qūru dep bılemın. Konstitusiiaǧa tüzetulerdı referendum ötkızu arqyly engızu, būl halyqtyŋ erık bıldıruınıŋ jarqyn körınısı, sebebı ärbır azamat «Jaŋa Qazaqstannyŋ» qūrylysyna qatysa alady, - dedı Älnazarova.
