Qazaqstandyq aktrısa Samal Eslıamova 71 Kann kınofestıvalinde úzdik aktrısa atandy.
Ol reseılik rejısser Sergeı Dvorevoıdyń «Aıka» atty kartınasynda basty róldi somdaǵan. Jeńiske qol jetkizgen Samal Eslıamova rejısserge alǵysyn aıtty. "Sergeı, saǵan kóp raqmet. Bul zor qurmet", - dedi ol. "Aıka" áleýmettik dramasy Qyrǵyzstannan kelgen qyz jaıynda órbigen. Ol Máskeýde bosanyp, balasyn perzenthanada tastaýǵa májbúr bolady, kartınada sol qyzdyń analyq sezimi men qaıǵy-muńy sýretteledi. Fılm bes kompanııanyń qoldaýymen túsirilgen: "Kınodvor" atty Sergeı Dvorevoıdyń stýdııasy, sonymen qatar, Germanııanyń, Polshanyń, Qytaıdyń, Qazaqstannyń kompanııalary. Buǵan deıin ol «Tıýlpan» fılminde basty róldi somdaǵan. Bul týyndy 2008 jyly Kannda «Erekshe kózqaras» konkýrsynyń bas júldesin, jas ádilqazylardyń júldesin, sonymen qatar Franııanyń bilim mınıstrliginiń júldesin jeńip alǵan bolatyn.
https://egemen.kz/article/168986-qazaqstandyq-kann-kinofestivalinde-uzdik-aktrisa-atandy
