Şyǧys Qazaqstanda jantürşıgerlık jol apaty bolyp, alty adam qaza tapty. Būl turaly oblystyq PD mälımdedı, dep habarlaidy «Adyrna» tılşısı.
Qaiǧyly oqiǧa 8 mamyr künı Jarma audany, Şar qalasynyŋ maŋynda Omby–Maiqapşaǧai respublikalyq tasjolynda bolǧan.
«Ssang Yong Actyon» markaly avtokölık jürgızuşısı röldı basqara almai qalyp, qarsy baǧytta kele jatqan «Vaz-21014» kölıgımen betpe-bet soqtyǧysty. Apat saldarynan «Vaz-21014» kölıgınıŋ 33 jastaǧy jürgızuşısı men 5 jolauşy sol jerde tıl tartpai kettı. Al «Ssang Yong Actyon» kölıgındegı 35 jastaǧy jürgızuşı men kämeletke tolmaǧan üş jolauşy türlı dene jaraqatymen auruhanaǧa jetkızıldı», – delıngen habarlamada.Qazırgı taŋda sotqa deiıngı tergeu bastaldy.
«Adyrna» ūlttyq portaly
