17 mamyrda «Assambleia jastary» respublikalyq qoǧamdyq bırlestıgı jastarynyŋ bastamasymen referendumdy qoldau jönındegı respublikalyq qoǧamdyq ştabynyŋ qyzmetı aiasynda Memleket basşysynyŋ konstitusiialyq reformalaryna arnalǧan pıkırtalas alaŋy öttı.
Şarany Referendumdy qoldau respublikalyqqoldau ştabynyŋ jetekşısı Töleubek Mūqaşev aşyp, referendumǧa qatysu – jastardyŋ jaŋa qoǧam qūruǧa at salysuy üşın berılgen mümkındık ekenın atap öttı.
Is-şaraǧa Respublikalyq qoǧamdyq ştab müşelerı«Assambleia jastary» RJŪ töraǧasy T.Djumurbaev jäne «Ūlttyq volonterlık jelı» ZTB atqaruşy direktory T.Mironiuk, oblystyq jäne qalalyq mäslihattardyŋ jas deputattary, oblystyq basqarma basşylary sondai-aq, jastar ūiymdarynyŋ jetekşılerı men ökılderı qatysty.
– Jaŋa Qazaqstan ideiasy qoǧamnyŋ ūmtylysyna jaqyn, är türlı sanattaǧy azamattar alǧa qoiǧan zamanaui talaptarǧa jauap beredı. Būl, eŋ aldymen, «Jaŋa Qazaqstannyŋ» ädılettılık pen özara syilastyq qaǧidattary turaly ekendıgıne bailanysty, - deidı «Assambleia jastary» jastar ūiymynyŋ jetekşısı Timur Djumurbaev.
Talqylau aiasynda jastar köşbasşylary referendumdy ötkızuge qatysty jäne konstitusiialyq reforma turaly öz oilaryn ortaǧa saldy. Qazaqstan jastary, azamattyq qoǧamnyŋ belsendı bölıgı retınde Jaŋa Qazaqstan ideiasyn jüzege asyratyn mümkındıkterdı aşatyn memlekettıŋ qoǧamdyq-saiasi jüiesındegı özektı özgerısterdı talqylady.
