Ü.j. 26 mamyrynda Ortalyq referendum komissiiasynda Nūrlan Äbdırovtıŋ töraǧalyǧymen oflain jäne onlain rejimde azamattardy aldaǧy referendum turaly aqparattandyru mäselelerı jönınde keŋes öttı.
Otyrysqa sifrlyq damu, innovasiialar jäne aeroǧaryş önerkäsıbı, aqparat jäne qoǧamdyq damu ministrlıkterınıŋ, äkımdıkterdıŋ, barlyq öŋırlerdıŋ aumaqtyq komissiialarynyŋ basşylyǧy, sondai-aq būqaralyq aqparat qūraldarynyŋ ökılderı qatysty.
Ortalyq sailau komissiiasynyŋ töraǧasy Nūrlan Äbdırov öz kırıspe sözınde «Referendum turaly» Konstitusiialyq zaŋǧa säikes referendumdy ūiymdastyru men ötkızu aşyq ärı jariia türde jüzege asyrylyp otyrǧanyn atap öttı. Ortalyq referendum komissiiasy azamattardy referendumǧa äzırlık barysy turaly barynşa habardar etıp keledı.Töraǧa Komissiianyŋ barlyq otyrystary gibridtı formatta, iaǧni oflain ärı onlain rejimderde būqaralyq aqparat qūraldarynyŋ mındettı türde qatysuymen ötıp otyrǧanyn atap öttı. Otyrystar ORK internet-resursy arqyly transliasiia arqyly körsetılıp, surdoaudarmamen qamtamasyz etılıp keledı. Är otyrystan keiın BAQ-qa arnalǧan brifingter ötkızılude, onda jurnalisterdıŋ barlyq sūraqtaryna tolyq jauaptar berılude. Referendumnyŋ barlyq qaulylary, baspasöz relizderı men özge de aqparattyq materialdary komissiianyŋ internet-resursynda ornalastyrylǧan jäne barlyǧyna qoljetımdı. Aqparattyq-tüsındırmelık beine, audiorolikter, internet-bannerler, baspa basylymdaryna arnalǧan modulder äzırlenıp, respublikalyq jäne öŋırlık BAQ-qa taratylyp otyr. Osylaişa, komissiia tarapynan referendumǧa daiyndyq prosesınıŋ aşyqtyǧy men jariialylyǧyn qamtamasyz etu boiynşa barlyq qajettı şaralar qabyldanuda. Is-şarada Aqparat jäne qoǧamdyq damu ministrı Asqar Omarov söz söilep, Ministrlık barlyq aqparattyq resurstardy osy jūmysqa tartyp, sondai-aq aqparattyq alaŋǧa tūraqty monitoring jürgızıp otyrǧanyn atap öttı. BAQ-ta jäne äleumettık jelıler arqyly är öŋır boiynşa dauys beruge arnalǧan uchaskenı ızdeu jönınde aqparattyq habarlamalar men grafikalyq önımder taratylǧanyn atady. Ügıt jūmystary kezeŋınde 5 mamyrdan bastap 499 respublikalyq jäne öŋırlık BAQ-na monitoring jasaldy, olardyŋ 321-ı gazet, 47-sı telearna jäne 131-ı internet-resurs. 2022 jylǧy 26 mamyrdaǧy jaǧdai boiynşa ügıt jūmystaryn būzu jaǧdailary tırkelmegen.
Sifrlyq damu, innovasiialar jäne aeroǧaryş önerkäsıbı vise-ministrı Äset Tūrysov keŋeske qatysuşylardy «JSN boiynşa dauys beruge arnalǧan uchaskenı ızdeu» servisın äzırleu boiynşa vedomstvonyŋ atqarǧan jūmysy turaly habardar ettı. Būl servis 3 aqparattyq resursta ornalastyrylǧan: • https://www.gov.kz/referendum; • https://referendum.gov.kz/; • https://referendum2022.gov.kz/ Qazaqstan azamaty JSN arqyly referendumdaǧy öz uchaskesın taba alady. Uchaske bolmaǧan jaǧdaida, avtomatty türde äkımdıkterdıŋ call-ortalyqtarynyŋ tızımderı körsetıledı. Osy siiaqty servister Kaspi.kz jäne Qazaqstan Halyq bankınıŋ Homebank qosymşalarynda jasalynuda. Jaqynda osy servis ıske qosylady dep kütılıp otyr.Sondai-aq, oblys äkımdıkterınıŋ ökılderı halyqqa dauys beru uchaskelerı turaly aqparat beru boiynşa referendum, koll-ortalyqtardyŋ, Telegram bottardyŋ jūmysy turaly habardar etu jönınde atqaryp otyrǧan jūmystary turaly baiandady. ORK Töraǧasy azamattardyŋ esepten şyǧaru kuälıkterı arqyly dauys beru mäselelerıne erekşe nazar audardy. Nūrlan Äbdırov azamat özınıŋ tūrǧylyqty jerın auystyrǧan jaǧdaida aǧymdaǧy jyldyŋ 20 mamyrynan bastap 4 mausym saǧat 18.00-ge deiın uchaskelık komissiiaǧa bergen ötınış negızınde esepten şyǧaru kuälıgın aluǧa qūqyly ekenın atap öttı. Esepten şyǧaru kuälıgın senımhat negızınde aluǧa jol berıledı. Būl rette senımhatty notarialdy kuälandyru mındettı emes. Esepten şyǧaru kuälıgın körsetken kezde uchaskelık komissiia dauys beru künı azamatty onyŋ kelgen jerı boiynşa uchaskedegı tızımge engızedı. Esepten şyǧaru kuälıgı bır eldı meken şegındegı basqa uchaskede dauys beruge qatysqysy keletın azamattarǧa berılmeidı. Jiyn soŋynda Nūrlan Äbdırov dauys beru künıne az uaqyt qalǧanyn aitty. Sondyqtan azamattardy aldaǧy referendum turaly habardar etu jönındegı barlyq qajettı şaralardy küşeitu maŋyzdy ekenın alǧa tarta otyryp, BAQ resurstaryn, SMS jıberılımderdı, koll-ortalyqtardyŋ, äkımdıkter janyndaǧy Telegram bottardyŋ jūmystaryn qarqyndatu qajetttıgın atap öttı. ORK Töraǧasy Nūrlan Äbdırov «Qazaqstandyqtar azamattyq belsendılık tanytyp, özderın tızımde tekseruı, engızılmegen jaǧdaida, tırkelgen jerı boiynşa tiıstı uchaskelık komissiialarǧa jügınuı, sondai-aq özınıŋ bolatyn ornyn auystyrǧan kezde dauys beru üşın esepten şyǧaru kuälıkterın uaqtyly aluy tiıs. Respublikanyŋ barlyq azamattaryna olardyŋ referendumǧa qatysudaǧy konstitusiialyq qūqyqtaryn ıske asyruǧa barlyq mümkındıkterdı jasau qajet» - dep atap öttı.
