5 mausym künı elımızde referendum ötedı. Konstitusiiany özgertuge baǧyttalǧan referendum araǧa 27 jyl salyp, ekınşı märte ūiymdastyryluda. Referendumǧa qatysty qoǧam öz oiyn bıldırude. Dauys beruge baramyn deitınder men dauys berudı jön sanamaityndar äleumettık jelıde öz pıkırın jazyp, qyzu talqy jasauda. Kez kelgen sailaudyŋ taǧy bır ajyramas bölıgı, ol baqylauşylar ekenın sözsız. Baqylauşysyz ötken sailaudy zaŋdy, ädılettı ärı şynaiy dep aituǧa bolmaidy. Referendumǧa bailanysty el boiynşa baqylauşylyq atqaratyn ūiymdar men bastamaşyl toptardyŋ sany artuda.
Almaty qalasynda jastardy referendumǧa baqylauşy boluǧa şaqyryp, bastama kötergenderdıŋ bırı saiasattanuşy Ashat Qasenǧali jäne jurnalist Nūrgeldı Äbdıǧani. Olar ekı apta būryn baqylauşylar tobyn üiretuge daiyn ekenın jäne atalmyş referendumda "Jas Baqylauşy" atauymen sailau uchaskelerınde referendumǧa monitoring jasauǧa niettı ekenın jazǧan edı. Senbı künı bastamaşyl top ökılderı jurnalisterdıŋ sūraqtaryna jauap berdı.
Nūrgeldı Äbdıǧani ideianyŋ qalai paida bolǧanyn jäne nege jastardy şaqyrǧany jaily bylai deidı: "Ashattyŋ da, menıŋ de sailauda baqylauşy bolu jäne baqylauşylardy oqytu jaǧynan täjıribemız bar. Bıraz jastardy tanimyz. Sondyqtan nege jastardyŋ basyn qosyp, jas baqylauşylardy daiyndap körmeske dep aittym. Jastar bızde saiasi tūrǧydan belsendı boluy kerek degen oidamyn. Jastarda energiia bar, jalyn bar, täuekelşıl keledı. Sondyqtan "Jas Baqylauşy" dep atap, jastardy şaqyrdyq. Jastar kategoriiasyna jatpaityn jandar kelse de esıgımız aşyq, bıraq basym bölıgı jastar bolsa dedık. qazır toqsannan astam baqylauşyny oqyttyq. Älı bır apta bar, sondyqtan olardyŋ sany artady dep oilaimyz", - deidı ol.
Jastar baqylauşylyq jaily qaidan bılıp, kelude degen sūraqqa: "Basym bölıgı äleumettık jelı arqyly estıp keledı. Qazır aqparatty jetkızudıŋ mümkındıgı mol ǧoi. Sonymen qatar jastar arasynda köp jüremız, belsendı jastardy tanimyz. Jalpy aqparatty jetkızudıŋ qiyndyǧy joq", - deidı.
"Baqylauşylarǧa qarjy tölene me" degen sūraqqa Ashat Qasenǧali bylai deidı: "Şynyn aitqanda qazır bızdıŋ qolymyzda qarjy joq. Jiyrmadan astam käsıpkerler men kompaniialarǧa demeuşılık bıldıru boiynşa hat jazdyq, äzırge jauap joq. Sondyqtan jastarǧa demeuşı tabylsa töleimız, tabylmasa täjıribe men este qalar kün syilaitynymyzdy aitudamyz. Kei jastar būl şartqa könbei, ketıp qalady. Ony da jaqsy tüsınemız", - deidı.
Bastamaşyl top ökılderı qala ortalyǧyndaǧy uchaskelerdı barynşa qamtuǧa tyrysatynyn aitty. Baqylauşylardy üiretu aldaǧy aptada da jalǧasyn tabady deidı.
Nūrgeldı Äbdıǧani ideianyŋ qalai paida bolǧanyn jäne nege jastardy şaqyrǧany jaily bylai deidı: "Ashattyŋ da, menıŋ de sailauda baqylauşy bolu jäne baqylauşylardy oqytu jaǧynan täjıribemız bar. Bıraz jastardy tanimyz. Sondyqtan nege jastardyŋ basyn qosyp, jas baqylauşylardy daiyndap körmeske dep aittym. Jastar bızde saiasi tūrǧydan belsendı boluy kerek degen oidamyn. Jastarda energiia bar, jalyn bar, täuekelşıl keledı. Sondyqtan "Jas Baqylauşy" dep atap, jastardy şaqyrdyq. Jastar kategoriiasyna jatpaityn jandar kelse de esıgımız aşyq, bıraq basym bölıgı jastar bolsa dedık. qazır toqsannan astam baqylauşyny oqyttyq. Älı bır apta bar, sondyqtan olardyŋ sany artady dep oilaimyz", - deidı ol.
Jastar baqylauşylyq jaily qaidan bılıp, kelude degen sūraqqa: "Basym bölıgı äleumettık jelı arqyly estıp keledı. Qazır aqparatty jetkızudıŋ mümkındıgı mol ǧoi. Sonymen qatar jastar arasynda köp jüremız, belsendı jastardy tanimyz. Jalpy aqparatty jetkızudıŋ qiyndyǧy joq", - deidı.
"Baqylauşylarǧa qarjy tölene me" degen sūraqqa Ashat Qasenǧali bylai deidı: "Şynyn aitqanda qazır bızdıŋ qolymyzda qarjy joq. Jiyrmadan astam käsıpkerler men kompaniialarǧa demeuşılık bıldıru boiynşa hat jazdyq, äzırge jauap joq. Sondyqtan jastarǧa demeuşı tabylsa töleimız, tabylmasa täjıribe men este qalar kün syilaitynymyzdy aitudamyz. Kei jastar būl şartqa könbei, ketıp qalady. Ony da jaqsy tüsınemız", - deidı.
Bastamaşyl top ökılderı qala ortalyǧyndaǧy uchaskelerdı barynşa qamtuǧa tyrysatynyn aitty. Baqylauşylardy üiretu aldaǧy aptada da jalǧasyn tabady deidı.
"Adyrna" ūlttyq portaly
