QR Premer-Ministrı Älihan Smaiylovtyŋ töraǧalyǧymen ötken Ükımet otyrysynda Balalar jylyn ötkızu mäselelerı qaraldy. QR densaulyq saqtau ministrı Ajar Ǧiniiat, mädeniet jäne sport ministrı Däuren Abaev, bılım jäne ǧylym vise-ministrı Şolpan Karinova, Qaraǧandy oblysynyŋ äkımı Jeŋıs Qasymbek jäne Atyrau oblysynyŋ äkımı Serık Şäpkenov baiandama jasady, dep habarlaidy «Adyrna» tılşısı vedomstvonyŋ baspasöz qyzmetıne sılteme jasap.
Otyrys basynda Älihan Smaiylov Qazaqstannyŋ kışkentai balǧyndaryn Halyqaralyq balalardy qorǧau künımen qūttyqtady. Memleket basşysynyŋ Jarlyǧymen 2022 jyl Balalar jyly bolyp jariialandy.
Bılım jäne ǧylym ministrlıgınıŋ derekterıne säikes, Balalar jylyn ötkızu jönındegı ıs-şaralar jospary 7 baǧyt boiynşa 66 ıs-şarany qamtidy. Olar qauıpsızdık, densaulyq, bılım beru jäne bos uaqytty sapaly ötkızuge baǧyttalǧan.
Biylǧy 5 aida 2,5 mln astam balanyŋ qatysuymen 17 300 öŋırlık ıs-şara ötkızıldı, balalardyŋ 59%-y az qamtylǧan otbasydan şyqqan.
Baiandamaşylardy tyŋdaǧan Premer-Ministr balalardyŋ bılım alyp, jan-jaqty damuyna, demaluy men medisinalyq qyzmet aluyna jaǧdai jasau memlekettıŋ maŋyzdy mındetı ekenın atap öttı.
Jyl saiyn elımızde jüzdegen mektep, balabaqşa, mädeniet jäne sport nysandary salynady – mūnyŋ bärı balalardyŋ jan-jaqty damuy üşın qajet.
Ükımet basşysy Balalardy qorǧau künı qaşan da jazǧy sauyqtyru kompaniiasynyŋ bastamasy bolǧanyn atap ötıp, Densaulyq saqtau ministrlıgıne jaz mezgılın barynşa tiımdı paidalanyp, keşendı şaralardy qabyldaudy tapsyrdy.
«Eŋ bastysy – köşede, suda demalu kezınde, türlı ekskursiialarda balalarymyzdyŋ qauıpsızdıgın qamtamasyz etu. Balalar qatysatyn kez kelgen ıs-şarany ūiymdastyru, eŋ aldymen, olardyŋ qauıpsızdıgıne kepıldık beruı tiıs», — dedı QR Premer-Ministrı.
Osyǧan bailanysty salalyq vedomstvolarǧa tiıstı qyzmetterdıŋ jūmysyn jūmyldyryp, oqu oryndaryn qauıpsızdık jüiesımen jaraqtandyru jäne jaŋǧyrtu jūmystaryn jandandyru tapsyryldy.
Oǧan qosa, Ä. Smaiylov oblys äkımdıkterıne äleumettık jaǧynan az qamtylǧan sanattaǧy balalardy sauyqtyru şaralarymen, jazǧy demalyspen jäne bos uaqyttaryn paidaly ötkızumen barynşa qamtudy tapsyrdy. Barlyq auyldyq eldı-mekenderde sport alaŋdaryn, balalardy damytu ortalyqtaryn jabdyqtap, oiyn-sauyq, mädeni ıs-şaralar ūiymdastyru qajet.
Densaulyq saqtau boiynşa şalǧaidaǧy eldı-mekenderde balalardyŋ densaulyq jaǧdaiyna skriningtık jäne stomatologiialyq tekseruler jürgızu üşın jyljymaly medisinalyq punktterdıŋ jūmys ısteuıne qatysty şaralar qabyldanuy kerek.Odan bölek, balalar qūqyqtarynyŋ saqtaluyn qamtamasyz etu üşın öŋır äkımdıkterı janyndaǧy täuelsız Bala qūqyqtary jönındegı uäkılderdıŋ lauazymdaryn engızudı tezdetu tapsyryldy.
Işkı turizmdı damytu aiasynda balalar üşın ekskursiialyq-tanymdyq ıs-şaralar ūiymdastyru kerek.
Balalardy üiırme jäne seksiialarmen qamtu maqsatynda memlekettık bılım beru, sport jäne şyǧarmaşylyq tapsyrystar boiynşa aqparattyq jüieler integrasiiasy qamtamasyz etıledı. Būl seksiialar men üiırmelerdegı naqty jaǧdaidy köruge, sondai-aq olardyŋ qoljetımdılıgın arttyruǧa mümkındık beredı.
«Qoryta aitqanda, barlyq öŋır äkımderıne Balalar jylyna arnalǧan ıs-şaralardyŋ oryndaluyn jeke baqylauǧa aludy tapsyramyn», — dep tüiındedı QR Premer-Ministrı.
