1 mausymnan bastap NCOC kompaniiasy josparly-aldyn alu maqsatyndaǧy jöndeu jūmystaryn jürgızuge bailanysty Qaşaǧan ken ornynyŋ teŋız jäne qūrlyq keşenderındegı öndırıstık nysandarynyŋ jūmysyn toqtatady. Būl turaly kompaniianyŋ baspasöz qyzmetı jazdy, dep habarlaidy «Adyrna» tılşısı.
«Josparly-aldyn alu maqsatyndaǧy jöndeu - anaǧūrlym maŋyzdy ıs-şaralardyŋ bırı jäne ol bırneşe jylda bır ret normativtık talaptarǧa jäne öndırıstık qajettılıkterge säikes jöndeu jūmystaryn jürgızu üşın öndırıstı qysqa kezeŋge tolyq toqtatudy közdeidı. Qaşaǧan ken orny öndırıstık nysandarynyŋ josparly-aldyn alu maqsatyndaǧy jöndeu öndıru jüiesınıŋ tūtastyǧy men qauıpsızdıgın qamtamasyz etu jönındegı şaralardyŋ, QR normativtık qūqyqtyq aktılerımen belgılengen mındettı ıs-şaralar men inspeksiialardyŋ jüzege asyryluyn, sonymen qatar önımdılıktı jäne öndıru jüiesınıŋ senımdılıgın oŋtailandyru men odan ärı arttyruǧa arnalǧan bırqatar jūmystar men jobalardyŋ oryndaluyn közdeidı. Kölemı 2 mln adam-saǧattan asatyn auqymdy jūmystardy 45 kün ışınde oryndau josparlanyp otyr»,– delıngen habarlamada.Qaşaǧan ken orny soŋǧy onjyldyqtarda aşylǧan eŋ ırı mūnai ken oryndarynyŋ bırı bolyp esepteledı. Onyŋ öndırıletın qorlary baǧalau boiynşa 9-13 milliard barrel mūnai aralyǧynda. Qaşaǧanda kommersiialyq öndıru 2016 jylǧy küzde bastaldy.
