Ant qabyldap ülgermei auyr aiyp taǧylǧan atyraulyq sarbaz Aibolat Amanjolovtyŋ ata-anasy ädıl tergeudı talap etedı. Ony Jambyl oblysy Qordai audanyndaǧy äskeri bölımde qaitys bolǧan maŋǧystaulyq Älıbek Qalbaidyŋ ölımıne kınälı dep qamauǧa alǧan, dep habarlaidy «Adyrna» ūlttyq portaly "KTK" arnasyna sılteme jasap.
«Sarbazdy soqqyǧa jyqty» dep aiyp taǧylǧan atyraulyq Aibolat Amanjolovtyŋ ata-anasy ūldary Otan aldyndaǧy boryşyn öteuge ketkenıne quanyp ant qabyldau künın asyǧa kütıp jürgen. Alaida däl sol äskeri bölımde kursant Älıbek Qalbai qaitys boldy degen qaiǧyly habar keledı. Osydan keiın köp ūzamai Aibolat ata-anasyna habarlasyp Älıbektıŋ ölımıne özın aiyptap jatqanyn aitqan. Mūny estıgen äke-şeşesı alyp ūşyp Qordaidaǧy äskeri bölımge barypty. Bıraq qanşa ötıngenımen, balasymen kezdestırmegen.
«Bızdı kırgızbeidı, balany körsetpeidı. Balanyŋ jüregı auyryp, jürektıŋ därısın ışıp jatyr deidı. Ol ne därı ekenın de bılmeimız! Qasyna 10 jyl otyryp kelgen bıreudı bırge otyrǧyzypty. Advokat qaulymen tanyssyn dep aparyp bergen ǧoi. Solardyŋ barlyǧyn anau qasyndaǧy jıgıt oqyp alyp: «Aibolat, sen moiyndasaişy» deidı eken», - dedı Aibolat Amanjolovtyŋ äkesı Azamat Jūmaǧaziev.Sarbazdyŋ ölımı 22 säuır künı tırkelgen. Al ertesınde äskeri tergeuşı qaitys bolǧan balany Aibolat Amanjolov ūrdy dep aiyptap, būltartpau qaulysyn şyǧaryp qoiǧan. Alaida on künnen keiın Qorǧanys ministrlıgınıŋ tärbie ısı men ideologiiaǧa jauapty orynbasary Serık Borambaev būqaralyq aqparat qūraldaryna «maŋǧystaulyq sarbaz Älıbek Qalbai sapta tūrǧan jerınde esınen tanyp qūlaǧan, denesınde jaraqat joq, tamaqtan ulanuy mümkın» degen aqparat taratty.
Osylaişa ministrlık pen äskeri bölım tergeuınıŋ mälımetı bır-bırımen qabyspai, ekı jaqtyŋ da ata-analaryn aşyndyryp otyr. Täuelsız sarapşylar qaitys bolǧan sarbazdyŋ basynan qatty soqqy alǧanyn, ış-qūrylysy zaqymdanǧan, denesınde bırde-bır zaqym joqtyǧyn aitqan. Būl käsıbi sportşy, ne öte auyr soqqydan bolatyn jaraqat eken. Alaida būl saraptamalardy tergeu materialdaryna qospai otyr deidı aşynǧan ana.Aiyp taǧylǧan Aibolattyŋ ata-anasynyŋ aitary köp. Qorǧanys ministrlıgı örımdei jastarǧa qorǧan bola almai otyrǧanyna narazy. Tergeudı jan-jaqqa būrmalap otyr degen olar joǧarǧy instansiialardyŋ barlyǧy jūmylyp aqiqatyn aşyp, äskerge ädılet ornatsyn dep talap etedı.
«Adyrna» ūlttyq portaly
