Bügın 1 mausym — Balalardy qorǧau künıne orai Almaty äkımdıgınıŋ ūiymdastyruymen Botanikalyq baqta ülken ıs-şara öttı. Kıtap körmesınde jauapty bolu maǧan mındetteldı.
Memleket basşysynyŋ aldynda söilegen sözım tömendegıdei:
"Armysyz, qūrmettı Qasym-Jomart Kemelūly!
Men, Erjan Jūmabekūly. «Kıtap — bılım būlaǧy» saiysynyŋ qalalyq kezeŋınde qazylar alqasynda töraǧalyq etken edım. Balalardyŋ kıtap oquǧa degen, konkursqa degen qyzyǧuşylyqtary menı täntı ettı. Jas buynnyŋ Jaŋa Qazaqstanda özderın barlyq jaǧynan tanytuǧa mümkındıkterınıŋ mol ekenı quantady. Osy ürdıs jalǧasyn tauyp, ruhani bai balalarymyzdyŋ sany köbeie bersın.
Qazaq tılın joǧary därejede nasihattap jürgen kölemdı şyǧarmalarǧa degen köŋılı erekşe №187 mekteptıŋ 11-şı synyp oquşysy Şut Mihaildyŋ «Alpamys batyr» jyryn jatqa aituy menı taŋǧaldyrdy.
Mihail memlekettık tılımızdıŋ märtebesın arttyruǧa özındık ülesın qosyp jürgen oquşy retınde özge balalarǧa ülgı bolary anyq. Osyndai daryndy jastardy el aldyna köbırek şyǧarsa, basqa oquşylardyŋ kıtap oquǧa qyzyǧuşylyqtary tıptı arta tüsetınıne senımdımın. Özıŋız bılesız, ruhaniiat bärınen biık tūrady.
Rūqsatyŋyzben Mihaildy jyrdan üzındı oqyp beruge şaqyramyn."
Şara barysynda Prezidentımızge balalar ädebietı men audarma salasynyŋ damyp kele jatqanyn, Garri Potter de qazaq tılınde söilegenın aityp,
Zäure Törehan men Ekaterina Li siiaqty jas jazuşylarǧa jäne Iŋkär, Nūrilia, Ernūr jäne Raiana degen talantty balalarǧa da toqtaldym. Olar Köşbasşymyzǧa önerlerın körsetıp, arman-tılekterın aitty.
Osyndai tamaşa merekelık keştı ūiymdastyrǧan Almaty äkımdıgıne, äsırese, qala äkımınıŋ orynbasary Äsem Bekqyzyna erekşe alǧysymdy bıldıremın!
El igılıgı üşın aianbai qyzmet ete berıŋızder.
Jaqsylyqta ǧana jüzdeseiık!
Erjan Jūmabekūly
aqyn, sazger, änşı, Qazaqstan Jazuşylar odaǧynyŋ müşesı, «Qazaqstannyŋ 100 jaŋa esımı» jobasynyŋ jeŋımpazy, Serper syilyǧynyŋ iegerı, doktorant (Türkiiada bılım alyp jatyr)
