Ýkraına prezıdenti Vladımır Zelenskıı Amerıka Qurama Shtattarynyń merlerin reseılik qalalarmen qarym-qatynasty úzýge jáne baýyrlas qala odaqtaryn toqtatýǵa shaqyrdy, dep habarlaıdy «Adyrna» ulttyq portaly.
Bul týraly Ýkraına memleketiniń basshysy Amerıka Qurama Shtattary merleriniń jyl saıynǵy konferenııasynda sóılegen sózinde aıtty, dep habarlaıdy «Ýkraınform» tilshisi.
«Álem ártúrli tıranııalardy kórdi. Ártúrli ýaqytta. ártúrli jalaýlar astynda. Al olardyń barlyǵyn qarapaıym halyqtyń quqyqtary men bostandyqtaryn aıaqqa taptaıtyny biriktiredi. Tırandar jergilikti ózin-ózi basqarýdyń quqyqtary men bostandyqtaryn moıyndamaıdy. Al bostandyqty tańdaıtyn qalalardaǵy erkin adamdar tırandardyń "tarıhyna" núkte qoıady. Al oǵan núkte qoıý úshin tırandardyń erkin álemmen baılanysyn paıdalanýǵa jol bermeý kerek», - dedi Zelenskıı.
Ol Amerıkanyń ondaǵan qalalary Reseı Federaııasynyń qalalarymen týystastyǵyn saqtap otyrǵanyn atap ótti. Atap aıtqanda, Chıkago men Máskeý, Djeksonvıll men Mýrmansk, San-Dıego men Vladıvostok, Olbanı men Týla, t.b.
"Bul baılanystar sizge ne beredi? Eshteńe de emes. Biraq olar Reseıge mundaı soǵys bastalǵannan keıin de oqshaýlanbaǵanyn aıtýǵa múmkindik beredi», - dep qosty Ýkraına prezıdenti.
«Adyrna» ulttyq portaly.
