Referendum demalys künı bolǧanymen, jeksenbı künı de jūmys ısteitın käsıp ielerı bar. Bıraq Bäiterek audanynyŋ auyl şaruaşylyǧy jäne kommunaldyq şaruaşylyǧy qyzmetkerlerı dauys beruge uaqyt tauyp, tüskı uaqytta bükıl ūjym sailau uchaskesıne keldı, dep habarlaidy “Adyrna” ūlttyq portaly.
Batys Qazaqstan oblysy Bäiterek audanyndaǧy sailau uchaskelerınıŋ bırıne erekşe delegasiia keldı. Auyl şaruaşylyǧy jäne kommunaldyq qyzmet körsetu salasynyŋ qyzmetkerlerı referendumǧa traktormen kelıp, dauys berdı.
Qazır dala jūmystarynyŋ mausymy qyzyp tūr. Degenmen, barlyq qiyndyqtarǧa qaramastan, adamdar
azamattyq boryşyn öteuge uaqyt tapqan.
«Jūmys – jūmys, bıraq dauys beru kerek. Mıne, bız ärıptesterımızben keldık. Tez dauys berıp, jūmysqa kırısemız. Men üşın eldıŋ bolaşaǧy, balalarymyz ben nemerelerımız maŋyzdy. Bız olar üşın jūmys ısteimız», - dedı traktorşy Anatolii Kureda.Aita keteiık, jūmys beruşıler qyzmetkerlerdıŋ referendumda dauys beruge degen yntasyn oŋ qabyldady. Sondyqtan BQO-daǧy sailau uchaskelerınde tūtas eŋbek ūjymdaryn jiı kezdestıruge bolady. https://youtu.be/lGZzNAvJPCs
“Adyrna” ūlttyq portaly
