Maŋǧystau oblysynda äskerge ketıp, üiıne tabytpen oralǧan sarbazdyŋ denesı jer qoinyna tapsyryldy. Äskerilerdıŋ aituynşa, 19 jastaǧy Edıl Teşebaev otbasyndaǧy tūrmystyq jaǧdaiǧa töze almai, özıne qol salǧan. Būl mälımdemenı marqūmnyŋ tuystary joqqa şyǧardy, dep habarlaidy «Adyrna» tılşısı «KTK»-ǧa sılteme jasap.
«Üş adamǧa üş türlı pıkır aitylyp otyr. Bırınşı pyşaqtady dep aitady, artynşa bäteŋkenıŋ bauyna asylyp qaldy deidı. Endı kep anasyna ekı beldıktı bailap asylyp qaldy deidı. Podpolkovnik aitqan»,– dep tüsındırdı sarbazdyŋ anasy.Jas jıgıt jaqyndarynan üzdıksız aqşa sūraumen bolypty.
«Bıreuden bes myŋ sūraǧan eken. Ol aqşanyŋ bärın neǧyla beredı dedım. Sol kezde 5 myŋdy ataŋa nälet dep salyp jıberuım kerek edı. Oilamadym ǧoi, mūndai bolady dep, demek balamnan aqşa sūraǧan. Aqşa bermegennen keiın ūryp öltırgen de. Basqa nesı bar. Asylyp qaldy deidı, balam menıŋ asylmaǧan. Közım jetedı oǧan. Būlar öltırıp alyp, sodan keiın jala jauyp otyr»,– dedı marqūmnyŋ äkesı.«Jala jabyldy» degendı Edıldıŋ dostary da aitady. Sebebı, toǧyz aidan berı äskerde jürgen sarbaz öler aldynda üş bırdei hat jazyp, özıne qol saluyna üiındegı tūrmystyq tapşylyq sebep bolǧanyn aitqan. Bıraq marqūmnyŋ synyptastary hattardaǧy qoltaŋba «Edıldıkı emes» dep otyr.
«Är hatta ärtürlı jazylǧan. Maǧan jazylǧan hatta basqaşa jazylǧan, mamasyna jazylǧan hatynda jazuy müldem basqaşa. Ekeuın ekı adam jazǧan. Onyŋ jazuy säl naşarlau edı. Tıptı däpterge jazǧanda alfavittıŋ arasynda «y», «ı» degen ärıptı jazbai tastap ketetın. Al būl jerde «y», «ı» ärıpter bylai tūrsyn, ütır-nüktege deiın mänerlep jazylǧan»,– deidı Edıldıŋ dostary.Qazır äskeri tergeu basqarmasy şekaraşynyŋ ölımı boiynşa qylmystyq ıs qozǧap, arnaiy tekserudı bastady. Bıraq būl turaly ne qorǧanys ministrlıgı, ne şekara qyzmetındegıler resmi aqparat bergen joq. Al bala künnen äskeri boludy armandap, 19 jasynda äskerden tabytpen oralǧan Edıl Teşebaevtyŋ denesı bügın tuǧan jerı Saryaǧaşta jerlendı.
