Qasym-Jomart Toqaev Qazaqstanǧa resmi saparmen kelgen Qytai Halyq Respublikasy Memlekettık keŋesınıŋ müşesı, Syrtqy ıster ministrı Van İdı qabyldady, dep habarlaidy «Adyrna» tılşısı Aqordaǧa sılteme jasap.
Kezdesu barysynda Qazaqstan men Qytai arasyndaǧy ūzaqmerzımdı, jan-jaqty strategiialyq serıktestıktıŋ qazırgı ahualy men perspektivalary, sondai-aq halyqaralyq jäne aimaqtyq ūiymdar aiasyndaǧy yntymaqtastyq mäselelerı talqylandy.
Memleket basşysy QHR Töraǧasy Si Szinpinnıŋ aldaǧy küzde elımızge josparlanǧan memlekettık sapary ekıjaqty qatynastardy damytuǧa tyŋ serpın beredı dep ümıttenetının jetkızdı.
– Biyl – öte maŋyzdy jyl. Qazaqstan men Qytai arasyndaǧy diplomatiialyq qatynastardyŋ ornaǧanyna 30 jyl toldy. Qytaida kommunistık partiianyŋ HH sezın ötkızu josparlanǧan. Aldaǧy joǧary deŋgeidegı kelıssözder bızdıŋ strategiialyq serıktestıgımızdıŋ jylnamasyna erekşe oqiǧa retınde jazylady, – dedı Prezident.Van İ Qasym-Jomart Toqaevqa Si Szinpinnıŋ sälemı men elımızdegı jalpyūlttyq referendumnyŋ tabysty ötuıne bailanysty qūttyqtauyn jetkızdı.
– Referendum nätijelerı memlekettı jan-jaqty jaŋǧyrtu üşın Sızdıŋ basşylyǧyŋyzben qabyldanyp jatqan şaralardy el azamattarynyŋ barynşa qoldaitynyn körsetedı. Mūnyŋ jaŋa Qazaqstandy qūru üşın zor mänı bar, sondai-aq eldıŋ keleşek damuynyŋ berık negızın qalyptastyrady, – dedı Qytai Memlekettık keŋesınıŋ müşesı.Qytai ministrı ekı el köşbasşylarynyŋ dana basşylyǧynyŋ arqasynda QHR men Qazaqstannyŋ ekıjaqty qarym-qatynastary ülken ömırlık küşke ie bolatynyn atap öttı.
– Töraǧa Si Szinpin Sızben aradaǧy jeke dostyqty jäne özara senımdı joǧary baǧalaidy. Jaŋa Qazaqstan qūru jönındegı bastamaŋyz Sızdıŋ danalyǧyŋyz ben batyldyǧyŋyzdy körsetedı. Bız Sızdıŋ bastamalaryŋyzdyŋ sättı jüzege asyryluyn tolyqqandy qoldaimyz, – dedı Van İ.
