Ashat Aimaǧambetov myrza! Bıryŋǧai mektep formasyn bekıtıp, nüktesın qoiuǧa ne kedergı?
1) Keibır ata-analar mektepke balalaryn jıbermeidı degen jeleu emes. Balanyŋ bılım alu qūqyǧynan aiyruǧa eşkımnıŋ haqysy joq(myŋ jerden ata-anasy bolsa da). Oǧan arnaiy zaŋ bar qoldanysta.
2) "Onlain oqytyp jatyrmyz dep, şyndyǧynda eşqandai oqytyp jatqan joq. Bılım almai jatqan qyzdardyŋ sany artuda" degen ne sandyraq? Būl ne sonda?! Vahabistter qyzdaryn mektepke jıbermeuınen qorqyp, solardyŋ yǧyna jyǧylu ma?
3) Memlekettık ūstanym men bılım beru ordalaryndaǧy ışkı tärtıp --- är tüsınıktegı toptardyŋ talaptaryna qarai oiysa beretın bolsa, būl qandai memlekettık ūstanym?
4) Är toptyŋ qalaǧanyn zaŋdastyryp beru arqyly mäselenı şeşemın deseŋız qatty qatelesesız. Onyŋ bolaşaqtaǧy saldary bügıngıden de qatty uşyǧuy mümkın. Erteŋ katolikter öz formasymen jıberemız dep, Sionistter men Buddistter, Krişnalar men Satanistter de öz talaptaryn qoisa şe? Ol kezde qalai şeşpeksızder mäselenı?!
Bırıne rūhsat berıp, ekınşılerıne rūhsat bermeuge qandai uäj aitpaqsyzdar? Özgelerge rūhsat bermeseŋızder, vahabo-saliafitterdıŋ lobbistı bolyp şyǧa keletınderıŋız oilantpaidy ma sızderdı? Bolaşaqta öz tüsınıkterınıŋ üstemdık qūrularyna balalardy qaru(qalqan) etulerıne jol aşyp otyrǧandaryŋyzdy tüsınbei otyrsyzdar ma? Älde, tüsınbegen bolyp, sondai toptardyŋ yqpalynan şyǧa almai otyrsyzdar ma?
Menıŋ talabym: Mektepte bır ǧana mektep formasy bekıtılsın. Boldy sonymen. Oǧan könbegendermen qūqyq qorǧau organdary ainalyssyn. Eger de, "solqyldaq" zaŋdarymyz bolsa, sol zaŋdardyŋ "solqyldaqtyǧyn" joiatyn zaŋ jobasyn QR Bılım jäne ǧylym ministrlıgı daiyndap Parlamentke ūsynyŋyzdar. Mektep formasy men ūlttyq tärbie bır-bırınen bölıp qarauǧa kelmeitın, ūlttyq ideologiianyŋ bır tarmaǧy. Bızdıŋ ūlttyq ideologiiamyzǧa qatysty dünielerdı sızdıŋ ministırlıktıŋ bır şeşımderımen özge bır toptardyŋ yǧyna jyǧyp beruge haqylaryŋyz joq!
Būl mäselenı şeşu sızderge qiyndyq tudyryp, amalsyzdan olai-būlai būlǧaqtap jatsaŋyzdar, onda, bırıŋǧai mektep formasyn bekıtudı parlamenttıŋ talqylauyna ūsynyp bastaryŋyzdy būl mäseleden araşalap alyŋyzdar. Būl mäsele sol deŋgeide bekıtıluı kerek. Sonda, sızder tek bekıtılgen bıryŋǧai mektep formasymen bılım alularyn qamtamasyz etetın bolasyzdar. Mūndai mäselenı sızderdıŋ qūrǧan komissiialyq şeşımderıŋızdıŋ qūzıretı jalpy halyqtyq ūstanymǧa qarsy tūra almaidy. Işkı komissiialaryŋyzben ışkı tehnikalyq mäselelerıŋızdı şeşe berıŋızder.
Menıŋ ūsynysym: Būl mäselenı QR Parlamentınıŋ Mäjılısı men QR Parlamentınıŋ Senaty otyrysynda talqylanyp, sol deŋgeide şeşıluı kerek. Tıptı, ol jaqqa ūsynysty äzırleudı QR Premer-Ministrı tıkelei öz baqylauyna aluy kerek.
Bolmasa, sızderdıŋ myna ısterıŋız "Belıŋ kötere almaityn şoqpardy bılegıne bailau" sekıldı körınıs.
"Adyrna" ūlttyq portaly
