Ashat Aımaǵambetov myrza! Biryńǵaı mektep formasyn bekitip, núktesin qoıýǵa ne kedergi?
1) Keıbir ata-analar mektepke balalaryn jibermeıdi degen jeleý emes. Balanyń bilim alý quqyǵynan aıyrýǵa eshkimniń haqysy joq(myń jerden ata-anasy bolsa da). Oǵan arnaıy zań bar qoldanysta.
2) "Onlaın oqytyp jatyrmyz dep, shyndyǵynda eshqandaı oqytyp jatqan joq. Bilim almaı jatqan qyzdardyń sany artýda" degen ne sandyraq? Bul ne sonda?! Vahabıstter qyzdaryn mektepke jibermeýinen qorqyp, solardyń yǵyna jyǵylý ma?
3) Memlekettik ustanym men bilim berý ordalaryndaǵy ishki tártip --- ár túsiniktegi toptardyń talaptaryna qaraı oıysa beretin bolsa, bul qandaı memlekettik ustanym?
4) Ár toptyń qalaǵanyn zańdastyryp berý arqyly máseleni sheshemin deseńiz qatty qatelesesiz. Onyń bolashaqtaǵy saldary búgingiden de qatty ýshyǵýy múmkin. Erteń katolıkter óz formasymen jiberemiz dep, Sıonıstter men Býddıstter, Krıshnalar men Satanıstter de óz talaptaryn qoısa she? Ol kezde qalaı sheshpeksizder máseleni?!
Birine ruhsat berip, ekinshilerine ruhsat bermeýge qandaı ýáj aıtpaqsyzdar? Ózgelerge ruhsat bermeseńizder, vahabo-salıafıtterdiń lobbısti bolyp shyǵa keletinderińiz oılantpaıdy ma sizderdi? Bolashaqta óz túsinikteriniń ústemdik qurýlaryna balalardy qarý(qalqan) etýlerine jol ashyp otyrǵandaryńyzdy túsinbeı otyrsyzdar ma? Álde, túsinbegen bolyp, sondaı toptardyń yqpalynan shyǵa almaı otyrsyzdar ma?
Meniń talabym: Mektepte bir ǵana mektep formasy bekitilsin. Boldy sonymen. Oǵan kónbegendermen quqyq qorǵaý organdary aınalyssyn. Eger de, "solqyldaq" zańdarymyz bolsa, sol zańdardyń "solqyldaqtyǵyn" joıatyn zań jobasyn QR Bilim jáne ǵylym mınıstrligi daıyndap Parlamentke usynyńyzdar. Mektep formasy men ulttyq tárbıe bir-birinen bólip qaraýǵa kelmeıtin, ulttyq ıdeologııanyń bir tarmaǵy. Bizdiń ulttyq ıdeologııamyzǵa qatysty dúnıelerdi sizdiń mınıstirliktiń bir sheshimderimen ózge bir toptardyń yǵyna jyǵyp berýge haqylaryńyz joq!
Bul máseleni sheshý sizderge qıyndyq týdyryp, amalsyzdan olaı-bulaı bulǵaqtap jatsańyzdar, onda, birińǵaı mektep formasyn bekitýdi parlamenttiń talqylaýyna usynyp bastaryńyzdy bul máseleden arashalap alyńyzdar. Bul másele sol deńgeıde bekitilýi kerek. Sonda, sizder tek bekitilgen biryńǵaı mektep formasymen bilim alýlaryn qamtamasyz etetin bolasyzdar. Mundaı máseleni sizderdiń qurǵan komıssııalyq sheshimderińizdiń quzireti jalpy halyqtyq ustanymǵa qarsy tura almaıdy. Ishki komıssııalaryńyzben ishki tehnıkalyq máselelerińizdi sheshe berińizder.
Meniń usynysym: Bul máseleni QR Parlamentiniń Májilisi men QR Parlamentiniń Senaty otyrysynda talqylanyp, sol deńgeıde sheshilýi kerek. Tipti, ol jaqqa usynysty ázirleýdi QR Premer-Mınıstri tikeleı óz baqylaýyna alýy kerek.
Bolmasa, sizderdiń myna isterińiz "Beliń kótere almaıtyn shoqpardy bilegine baılaý" sekildi kórinis.
"Adyrna" ulttyq portaly
