Memleket basşysy Qasym-Jomart Toqaev Ortalyq Aziiaǧa sapary aiasynda Qazaqstanǧa kelgen BŪŪ Bas hatşysynyŋ bırınşı orynbasary Amina Mūhammedtı qabyldady, dep habarlaidy "Adyrna" ūlttyq portaly "akorda.kz"-ke sılteme jasap.
Kezdesu barysynda Qazaqstan men BŪŪ arasyndaǧy yntymaqtastyqtyŋ basym baǧyttary qarastyryldy. Ornyqty damu maqsattaryna qol jetkızu, klimattyŋ özgeruıne qarsy küres, pandemiiaǧa qarsy ıs-qimyl jäne genderlık teŋdık pen adam qūqyqtaryn qamtamasyz etu jönındegı bırlesken küş-jıgerge erekşe nazar audaryldy.Qasym-Jomart Toqaev Amina Mūhammedke ıltipat bıldıre otyryp, lauazymdy qyzmetke qaita sailanuymen qūttyqtady. Onyŋ būl sapary elımızdıŋ tarihyndaǧy betbūrys kezeŋ – jalpyūlttyq referendum ötkızumen tūspa-tūs kelgenın atap öttı. Sondai-aq referendum qorytyndylary Jaŋa Qazaqstandy qūru ısıne kırısuge mümkındık beretının aitty.
Prezident köpjaqtylyq qaǧidaty men halyqaralyq diplomatiiany qalyptastyryp, damytuda düniejüzılık ūiymnyŋ erekşe röl atqaratynyn atap öttı. Qasym-Jomart Toqaev Qazaqstannyŋ BŪŪ-men aradaǧy yntymaqtastyqty odan ärı jan-jaqty nyǧaituǧa beiıldı ekenıne toqtalyp, onyŋ jahandyq problemalardy şeşu jönındegı kün tärtıbın tolyq qoldaitynyn jetkızdı.Qazaqstan Prezidentı BŪŪ Bas hatşysy Antoniu Guterriştıŋ beibıtşılık pen jahandyq qauıpsızdık mäselelerı jönındegı jaŋa kün tärtıbın äzırleu üşın 2023 jyly joǧary deŋgeidegı «Bolaşaqtyŋ sammitın» şaqyru turaly bastamasyn qūptady.
Memleket basşysy qazırgı zamannyŋ kürdelı syn-qaterlerı jaǧdaiynda ornyqty damu salasyndaǧy maqsattarǧa qol jetkızu üşın kezek küttırmeitın jäne auqymdy şaralar qabyldaudyŋ maŋyzdy ekenın atap öttı.Sonymen qatar Memleket basşysy azyq-tülık qauıpsızdıgın qamtamasyz etu, mūqtaj elderge gumanitarlyq kömek körsetu üşın Qazaqstan tarapynan qabyldanyp jatqan şeşımder turaly aitty.
Qasym-Jomart Toqaev äielder men qyzdarǧa qatysty zorlyq-zombylyqtyŋ barlyq türın joiu jönındegı Ortalyq Aziia men Auǧanstanǧa arnalǧan SpotLight Initiative öŋırlık baǧdarlamasyn jüzege asyru ısındegı Amina Mūhammedtıŋ köşbasşylyǧyn joǧary baǧalady.Öz kezegınde Amina Mūhammed Memleket basşysyna BŪŪ Bas hatşysynyŋ jürekjardy sälemın jetkızdı. Sondai-aq Qasym-Jomart Toqaevtyŋ basşylyǧymen elımızde jüzege asyrylyp jatqan auqymdy reformalardy qoldaitynyn aityp, referendumnyŋ sättı ötuımen qūttyqtady.
BŪŪ Bas hatşysynyŋ bırınşı orynbasary Qazaqstan men BŪŪ-nyŋ 30 jyl ışınde ornatqan köpjaqty serıktestıgınıŋ deŋgeiıne joǧary baǧa berdı.Sonymen qatar äŋgımelesu barysynda Auǧanstan mäselesı qarastyryldy. Amina Mūhammed Auǧanstandy äleumettık-ekonomikalyq tūrǧydan qaita qalpyna keltıruge bailanysty problemalardy şeşude halyqaralyq küş-jıgerdı jandandyrudyŋ maŋyzdy ekenın aitty.
"Adyrna" ūlttyq portaly
