Aqtöbede baspanasyz jürgender 800 million teŋge ainalymy bar firmalardyŋ direktorlary men qūryltaişylary bolyp şyqty, dep habarlaidy “Adyrna” ūlttyq portaly “Tengrinews.kz”-ke sılteme jasap.
Aqtöbe qalasyndaǧy Almaty audanynyŋ prokuraturasy ömırlık qiyn jaǧdaida qalǧan adamdardy äleumettendıru ortalyǧynda zaŋbūzuşylyqtardy anyqtady. Ortalyqta tūratyn 14 adam käsıpker, jauapkerşılıgı şekteulı serıktestıktıŋ direktory jäne qūryltaişysy retınde tırkelgen."Saualnama alynǧan "käsıp ielerı" būǧan eş qatysy joqtyǧyn, olardyŋ üşeuı 1 jäne 2-toptaǧy mügedekter ekenın körsetken. Sonymen qatar, 2021 jyldan 2022 jyldyŋ säuırıne deiın mūndai "biznes" ainalymy şamamen 800 million teŋge bolǧan", - dedı Aqtöbe qalasy Almaty audanynyŋ prokurory Jasūlan Däulembaev.Jürgızılgen taldau nätijelerı boiynşa salyq organdaryna zaŋbūzuşylyqtardy joiu turaly ūsynys engızılıp, materialdar prosessualdyq şeşım qabyldau üşın Ekonomikalyq tergeu departamentıne joldanǧan.
”Adyrna” ūlttyq portaly
