Ükımettıŋ kezektı otyrysynda elımızdıŋ biylǧy qaŋtar-mamyr ailaryndaǧy äleumettık-ekonomikalyq damuynyŋ qorytyndysy jäne respublikalyq biudjettıŋ atqaryluy qaraldy. QR ūlttyq ekonomika ministrı Älıbek Quantyrov, Premer-Ministrdıŋ orynbasary – qarjy ministrı Erūlan Jamaubaev, QR Ūlttyq bankınıŋ töraǧasy Ǧalymjan Pırmatov baiandama jasady.
QR ŪEM basşysynyŋ mälımetınşe, biylǧy qaŋtar-mamyr ailarynda Qazaqstan ekonomikasynyŋ ösu qarqyny 4,6%-dy qūrady. Negızgı trendter boiynşa eseptı kezeŋde naqty sektordaǧy tūraqty serpın, qyzmet körsetu sektoryndaǧy ösudıŋ jedeldeuı, eksport kölemınıŋ artuy baiqalady.
Naqty sektordaǧy ösım 4,8%-dy qūrady. Qyzmet körsetu salasynda ıskerlık belsendılık 3,9%-ǧa deiın ūlǧaidy. Negızgı kapitalǧa salynǧan investisiialardyŋ ösu qarqyny 2,5%-dy qūrady. İnvestisiialar bılım berude 72%-ǧa, memlekettık basqaru men äleumettık qamsyzdandyruda 55%-ǧa, ǧylymi jäne tehnikalyq qyzmette 36%-ǧa, densaulyq saqtauda 28%-ǧa, jyljymaityn mülıkpen jasalatyn operasiialarda 20,4%-ǧa, saudada 14%-ǧa, qūrylys salasynda 10,7%-ǧa östı.
Ūlttyq bank töraǧasynyŋ aituynşa, biylǧy mamyrda jahandyq naryqtarda qūbylmalylyq saqtaldy. Älemdık ekonomika geosaiasi täuekelder men tūraqty joǧary infliasiia aiasynda jūmys ıstep keledı.
2022 jylǧy mamyrda Qazaqstandaǧy infliasiia jyldyq mände säuırdegı 13,2%-dan 14%-ǧa deiın qarqyn aldy. Ūlttyq banktıŋ boljamyna säikes, 2023 jyly infliasiia aqşa-kredit saiasaty salasynda qabyldanyp otyrǧan şaralar, syrtqy infliasiialyq qysymnyŋ bırtındep tömendeuı jäne ıske asyru josparlanyp otyrǧan kontrsikldık biudjettık qaǧida aiasynda bırtındep 7,5-9,5%-ǧa deiın baiaulaidy.
Baiandamaşylardy tyŋdaǧan Premer-Ministr ekonomikanyŋ naqty sektorynyŋ qarqyndy damuyna öŋdeu önerkäsıbı aitarlyqtai üles qosatynyn atap öttı.
Azyq-tülık önımderın öndıru 3%-ǧa, susyndar öndırısı 18%-dan asa artty. Jeŋıl önerkäsıp 8%, himiia önerkäsıbı 11%-ǧa juyq östı. Sonymen qatar rezina jäne plastmassa būiymdaryn şyǧaru 11%-dan asty, mūnai öŋdeu 8%-ǧa, jihaz jäne maşina jasau önımderın şyǧaru 10%-ǧa, farmasevtika öndırısı 5%-ǧa ūlǧaidy.
«Tau-ken önerkäsıbındegı 4% ösım tabiǧi gaz, mūnai, kömır jäne metall kenderın öndıru esebınen qamtamasyz etıldı. Qūrylys salasy da 9%-ǧa juyq tūraqty ösım körsetıp otyr. Qūrylys materialdarynyŋ öndırısı 5%-ǧa östı», — dedı Ä. Smaiylov.Qyzmet körsetu sektorynda sauda 11%-ǧa, kölık salasynda 8%-dan jäne bailanys 7%-dan astam östı. Biylǧy 5 aidyŋ qorytyndysyna säikes, Aqmola, Almaty, Qyzylorda jäne Şyǧys Qazaqstan oblystarynda, sondai-aq Şymkent qalasy men elordada barlyq negızgı körsetkışter boiynşa ösım tırkelıp otyr. Ükımet basşysy jauapty memlekettık organdar men öŋırlerdıŋ äkımdıkterıne osy jūmys qarqynyn saqtaudy tapsyrdy. Ol üşın ekonomikany ärtaraptandyru, investisiialar tartu jäne jaŋa tūraqty jūmys oryndaryn qūrudy jalǧastyru qajet. Ä. Smaiylov infliasiia mäselesıne erekşe nazar audaryp, onyŋ jedeldeuıne äser etetın basty faktorlardyŋ bırı azyq-tülık tauarlaryna älemdık baǧanyŋ ösuı ekenın aitty. Mamyr aiynyŋ qorytyndysy boiynşa eldegı jyldyq infliasiia 14%-dy qūrady. Onyŋ ışınde azyq-tülık infliasiiasynyŋ deŋgeiı 19%-ǧa jettı.
«Memlekettık organdardyŋ bırınşı basşylary men äkımder infliasiiany tejeu jūmysyn küşeitıp, pärmendı şaralar qabyldauy tiıs», — dedı Premer-Ministr.Osy jäne basqa da mäseleler şılde aiynda Memleket basşysynyŋ töraǧalyǧymen Ükımettıŋ keŋeitılgen otyrysynda qaralady.