Ūlytau oblysynda Prezident Qasym-Jomart Toqaevtyŋ qatysuymen Ūlttyq qūryltaidyŋ I otyrysy bastaldy, dep habarlaidy “Adyrna” ūlttyq portaly.
Qūryltaidy aşqan Memleket basşysy el atauyna qatysty pıkır bıldırdı:
«Keibır azamattarymyz referendum kezınde memlekettıŋ atauy da özgeruge tiıs edı degen pıkır aityp jür. Olar «Qazaqstan» atauyndaǧy «-stan» sözın elımızge de, bükıl Aziiaǧa da jat ūǧym dep sanaidy. Mūny da qisyndy dep aituǧa bolmaidy. Sebebı, älemde däl osyndai Päkıstan, Ündıstan, Auǧanstan jäne Ortalyq Aziia memleketterı bar.
Eŋ basty mäsele, bız Täuelsız elımız – Qazaqstan Respublikasy atynan 30 jyl ışınde köptegen halyqaralyq kelısımşarttarǧa qol qoidyq, memlekettık şekaramyzdy bekıttık. Osyndai jaǧdaida memleketımızdıŋ atauyn özgertu jauapsyz şeşım bolar edı. Būl – eŋ aldymen, ūlttyq qauıpsızdıgımızge jäne halqymyzdyŋ beibıt ömırıne tıkelei äserı bar öte maŋyzdy mäsele»-dedı ol.
”Adyrna” ūlttyq portaly
