Qazaqstan Respublikasynyŋ Premer-Ministrı Älihan Smaiylov Almatyǧa jūmys sapary kezınde WorldSkills Almaty-2022 öŋırlık chempionatynyŋ jeŋımpazdarymen kezdestı. Būl turaly ol Facebook paraqşasyna jariialady, dep habarlaidy “Adyrna” ūlttyq portaly.
“Osyndai talantty jastarǧa qarap, elımızdıŋ bolaşaǧy zor ärı senımdı qolda ekenın köruge bolady.
Keşe Almatyǧa jūmys sapary kezınde WorldSkills Almaty-2022 öŋırlık chempionatynyŋ jeŋımpazdarymen kezdestım.
WorldSkills – jūmysşy mamandyqtardyŋ bedelın arttyru men olardy därıpteu maqsatynda ötkızıletın älemdık chempionat. Ol 80-nen astam eldı qamtidy.
Būl studentter qazırdıŋ özınde qazaqstandyq ırı kompaniialardan jūmysqa şaqyru alǧan, erteŋıne senımmen qaraidy.
Joǧary standarttarǧa sai käsıbi şeberlıkke ie talantty studentter özınen keiıngı buynǧa jaqsy ülgı körsetıp, tuǧan elınıŋ damuyna üles qosady dep senemın”, - dep jazdy.
“Adyrna” ūlttyq portaly
