Fitch halyqaralyq reiting agenttıgı Qazaqstannyŋ täuelsız kredittık reitingın «BBB» deŋgeiınde rastady, boljam «Tūraqty», dep habarlaidy «Adyrna» tılşısı.
Syrtqy küizelısterge tūraqtylyqty körsetken quatty fiskaldyq jäne syrtqy teŋgerımder Qazaqstannyŋ reitingın qoldaityn maŋyzdy faktorlar bolyp tabylady.
Sarapşylardyŋ pıkırınşe, qaŋtar oqiǧalarynan, Resei-Ukraina qaqtyǧysynan jäne Reseige qarsy sanksiialardan keiın tuyndaǧan syn-qaterler negızgı eksporttyq tauarlardyŋ joǧary baǧalarymen jäne Teŋız ken ornynda 2023 jyldan bastap mūnai öndıru kölemınıŋ ūlǧaiuymen jeŋıldetıldı.
Fitch 2023 jyly memlekettık biudjet tapşylyǧyŋ tömendeuın jäne Ūlttyq qordan biudjetke transfertter mölşerı 2021 jylǧy deŋgeiden 58%-ǧa deiın qysqarady dep boljaidy, būl Ükımettıŋ JIÖ-nıŋ 30% şegınde QR ŪQ mölşerın qoldau jönındegı strategiiasyna säikes keledı.
Eldıŋ memlekettık qaryzy salystyryp otyrǧan elderdıŋ jartysynyŋ qaryz deŋgeiınen tömen ekendıgı habarlandy. Fitch boljamy boiynşa Qazaqstannyŋ eleulı syrtqy rezervterı syrtqy taza kreditor märtebesın saqtauǧa kömektesedı.
Sonymen qatar agenttık öz esebınde Qazaqstannyŋ bank sektorynyŋ tūraqty jūmysyn da atap öttı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz