QR Qorǵanys mınıstri Rýslan Jaqsylyqov áskerden qashatyn jastardy synǵa aldy, dep habarlaıdy «Adyrna» tilshisi.
«Memleketti qorǵaý – árbir azamattyń qasıetti boryshy. 18 jasqa tolǵannan keıin kez kelgen azamat áskerı boryshyn óteýge mindetti. Al merzimin keıinge qaldyrý sheshimin jergilikti áskerı komıssarıat qabyldaıdy. Bizde jastardyń boryshyn óteýden qashyp, tyǵylyp júrýi jıi kezdesedi. Keshirińizder, biraq zańdy oryndaý kerek»,– dedi ol.
Mınıstr qandaı jaǵdaıda boryshyn óteý merzimi keıinge qaldyrylatynyn túsindirdi.
«Eger áskerı boryshty keıinge qaldyrýǵa quqyńyz bolsa, tıisti qujatyńyzdy ótkizińiz. Osylaısha siz keıinge qalasyz. Balańyz bolsa ıa oqýǵa tússeńiz, osylaı ýaqytynda qujat tapsyryńyz. Biz ony ýaqytynda berýdiń ornyna qashyp júrimiz», - dedi Rýslan Jaqsylyqov.
