QR Oqu-aǧartu ministrlıgınıŋ Bılım jäne ǧylym salasynda sapany qamtamasyz etu komitetı töraǧasynyŋ orynbasary Maira Meldebekova mekteptı jöndeuge ata-analardan aqşa jinau mäselesıne qatysty tüsınıkteme berdı, dep habarlaidy «Adyrna» tılşısı.
Aituynşa, memlekettık mektepter äkımdıkterge qaraidy. Iаǧni, mektepterdı jabdyqtau, materialdyq-tehnikalyq bazasyn nyǧaitu, sondai-aq aǧymdaǧy jöndeu jūmystary jergılıktı biudjet esebınen jürgızıluı tiıs.
«Sondyqtan da ata-analar men mūǧalımderden mekteptı jöndeuge aqşa jinauǧa bolmaidy. Biyl säuır aiynda «Pedagog märtebesı turaly» zaŋ aiasynda Bılım jäne ǧylym ministrlıgınıŋ arnaiy būiryǧy qabyldandy. Būiryqta pedagogterdı özderınıŋ jūmystaryna tän emes basqa jūmystarǧa tartuǧa, olardan ministrlıktıŋ 130-şy būiryǧynda qaralmaǧan esepterdı talap etuge bolmaityny naqty körsetılgen. Sonymen qatar pedagogter jūmys barysynda paidalanatyn qaǧaz nemese basqa da şyǧyndarǧa öz qarajattaryn jūmsamauy kerek. Būl da osy būiryqta körsetılgen»,- dedı ol.
