Mausymnyŋ üşı künı Almaty äkımdıgınıŋ Käsıpkerlık jäne inovasiialar basqarmasy «Almaty halyqaralyq äuejaiy» AQ-men 182,3 mln teŋge jäne Sanzheli JŞS-men 15,1 mln teŋge tıkelei bır közden satyp alu täsılı arqyly kelısımşart jasasty. Memsatyp alu portalyndaǧy aqparatqa qarǧanda, ekı kelısımşart ta «Qaŋtar qyrǧyny» kezınde Qazaqstan bilıgınıŋ şaqyrtuymen elge kırgen Ūjymdyq qauıpsızdık şarty ūiymynyŋ (ŪQŞŪ) äskerıne jūmsalǧan şyǧyndy öteu maqsatynda jasalǧan. Būl turaly Miiat Käşıbai Telegram arnasy jazdy, dep habarlaidy «Adyrna» tılşısı.
Ekı kelısımşarttyŋ da tehsipattamasynada Almaty äkımı Erbolat Dosaevtyŋ qaulysy tūr. Qaulyda: «Almaty qalasy strategiia jäne biudjet basqarmasy Käsıpkerlık jäne inovasiialar basqarmasyna jergılıktı atqaruşy organnyŋ şūǧyl şyǧyndarǧa arnalǧan rezervınen jalpy sommasy 197 454 551 teŋge bölsın, onyŋ ışınde ŪŞQŪ-nyŋ ūjymdyq bıtımgerşılık küşterı müşelerın tamaqtandyru jönındegı şyǧyndy öteuge 15 127 542 teŋge, sondai-aq tötenşe jaǧdai kezeŋınde ŪQŞŪ-nyŋ bıtımgerşılık operasiiasyn jürgızu kezınde äueailaqtyq jäne jer üstınde qyzmet körsetu boiynşa körsetılgen qyzmetter üşın 182 327 009 teŋge qarjat bölsın»,- delıngen.«Qaŋtar qyrǧyny» kezınde el aumaǧyna ŪQŞŪ-nyŋ 2 myŋ äskerı kırgenı belgılı. Myna qaulyǧa qaraǧanda, ŪQŞŪ äskerınıŋ şyǧynyn Qazaqstan kötergen. Al ŪQŞŪ jarǧysynyŋ ūiymdy qarjylandyruǧa qatysty babynda «Müşe memleketter öz ökilderi men sarapşylarynyŋ ūiym organdarynyŋ keŋesterine, otyrystaryna jäne ūiym şeŋberinde ötkiziletin basqa da is-şaralarǧa qatysuymen bailanysty, sondai-aq ökiletti ökilderdıŋ qyzmetimen bailanysty şyǧyndardy derbes türde atqarady» degen tarmaq bar. Osy tarmaqqa süiener bolsaq, Qazaqstanǧa äsker jıbergen elder şyǧyndy öz moinyna aluǧa mındettı. Bıraq Almaty äkımnıŋ qaulysyna qarasaq, ŪQŞŪ äskerıne ketken şyǧyndy Qazaqstan özı kötergen.
