Aqparat jäne kommunikasiia ministrı Däuren Abaev Qazaqstanda 2020 jyly ötetın prezidenttık sailau turaly öz oiyn aitqan Qasym-Jomart Toqaevtyŋ sözıne qatysty pıkır bıldırdı dep habarlaidy NUR.KZ tılşısı.
"2020 jylǧa deiın bıraz uaqyt bar. Qasym-Jomart Kemelūlynyŋ aitqanyndai, şeşımdı tek qana elbasy qabyldaityn bolady.
2020 jyly qandai jaǧdai qalyptasady, soǧan qarai pıkır bıldıruımızge bolady.
Alaida, prezidenttıŋ saiasat, ekonomika salalaryndaǧy zor täjıribesın, onyŋ halyqaralyq deŋgeidegı bedelın esepke ala otyryp, eger memleket basşysy 2020 jyly sailauǧa tüsse, Qazaqstan odan ūtylmaitynyna senımdımın. Būl menıŋ prezidenttıŋ janynda bırşama uaqyt boiy bırge jürıp, ıstes bolǧan adam retındegı oiym", - dedı Abaev.
Eske salsaq, Qasym-Jomart Toqaev öz sūhbatynda Nūrsūltan Nazarbaevtyŋ 2020 jyly elımızde ötetın prezidenttık sailauǧa qatysu-qatyspauy turaly öz pıkırın aitqan bolatyn.
Nur.kz
