“Qazaqşa mäzır joq, bolmaidy da” - halal kafe qazaq tılın mensınbeidı

«Ūnamasa ketıp qal» degen söz sänge ainalypty. Momyşūly köşesındegı (Raiymbek köşesınen säl tömen) “Sänım” kafesınıŋ administratory qazaqşa as mäzırın sūraǧan maǧan ”būl jer ūnamasa basqa jaqqa baryŋyz. Qazaqşa mäzır joq, bolmaidy da! Orys tılı bızge jetkılıktı. Orys tılı - halyqaralyq tıl! Ol qazaq tılımen bırdei qoldanylady” dedı. Al körşı üstelde otyrǧan qazaq kelınşek “qazaqşanyŋ ne keregı bar? Orysşa bolsa boldy emes pe? Bızge bärıbır” dep administratordy jaqtady. Mynalar soǧys bolsa (betı aulaq) ekı qolyn köterıp, satyp ketetınder ǧoi. Därıgerge körsetıp alyp kele jatqan şeşem ekeumız jolda tamaqtana qoiaiyq dep kırgenbız ǧoi. Būǧan deiın de ol kafede daiaşylarǧa qazaqşa as mäzırı jönınde eskertıp ketkem. Jalpy būl kafe halal, daiaşy qyzdar oramalǧa oranyp, jıgıtter taqiia kiedı. Demek, oramal men taqiia būlardyŋ tüsınıgınde tek dıni maǧynaǧa ie, al qazaq tılınıŋ tükke keregı joq. Ötkende oramal dauy bolǧanda osyny tüsındıre almap edık, mıneki endeşe.