Toqaev Almaty oblysynyŋ jaŋa äkımıne bırqatar mındet jüktedı

Memleket basşysy Almaty oblysynyŋ äkımı Marat Sūltanǧazievtı qabyldady, dep habarlaidy «Adyrna» tılşısı Aqordaǧa sılteme jasap. Qasym-Jomart Toqaevqa oblystyŋ qazırgı äleumettık-ekonomikalyq jaǧdaiy men damu perspektivalary jönınde baiandaldy. Marat Sūltanǧazievtıŋ aituynşa, qazırgı kezeŋde oblystyŋ ekonomikasynda oŋ özgerıster baiqalady. Atap aitqanda, auyl şaruaşylyǧy salasynyŋ damu körsetkışı – 102,8, öŋdeu önerkäsıbınıŋ ösımı – 105,2, sauda – 103, qūrylys – 114,3 paiyzǧa artqan. Oblys äkımdıgı jyl soŋyna deiın osy qarqyndy saqtap qaluǧa niettı. Prezident azamattardyŋ senımın aqtau, sondai-aq oblys tūrǧyndarynyŋ tūrmys sapasyn jaqsartu üşın naqty şaralar qabyldau maŋyzdy ekenın aitty. Memleket basşysyna äkımşılık-aumaqtyq reformalardan keiıngı jaŋa mümkındıkterdı eskere otyryp, Almaty oblysy men Qonaev qalasynyŋ äleumettık-ekonomikalyq damu josparyna özgerıster engızıletını jönınde aqparat berıldı. Äkımnıŋ aituynşa, qūrylys, önerkäsıp, auyl şaruaşylyǧy, öŋdeu önerkäsıbı, sauda jäne turizm siiaqty ekonomikanyŋ investisiialyq tartymdy sektorlaryna erekşe köŋıl bölınedı. Marat Sūltanǧaziev Qasym-Jomart Toqaevqa oblys ortalyǧyn Qonaev qalasyna köşıru jūmystary jönınde baiandady. Sondai-aq jergılıktı atqaruşy organdar men memlekettık mekeme qyzmetkerlerı üşın qajettı jaǧdai jasauǧa baǧyttalǧan keşendı şaralar jönınde esep berıldı. Prezident jaŋa äkımge oblys tūrǧyndarynyŋ tūrmys sapasyn arttyruǧa, tūrǧyn üi-kommunaldyq şaruaşylyǧyna, üş auysymdyq mektepterge, irrigasiialyq jüielerdı jaŋartuǧa, medisina jäne qoǧamdyq kölık mäselelerın şeşuge qatysty bırqatar mındet jüktedı.