Qazaqstannyŋ qarjy naryǧyna jauapty tūlǧalar Resei agressiiasyn aqtaudan arlanbai otyr

Keşe Saliuk degen sarapşynyŋ därısın tyŋdap qaittyq. Tegın adam emes. "Qazaqstan qor birjasy" (KASE) töraǧasynyŋ bıldei orynbasary deidı. Özı Kievtıŋ tumasy körınedı. Qarjy jaǧyn da bırşama bıletınge ūqsaidy. Bıraq reseişıldıgı basym tüsıp tūr. Aldyndaǧy auditoriiaǧa Putinnıŋ şapqynşylyǧyn aqtaitynyn aitqysy kep, basqynşylarǧa büiregı būratyny baiqalyp-aq tūrdy. Onysyn jasyrmaityn sekıldı. Qor naryǧynyŋ jai-japsaryn söz etken Saliuk "spesoperasiia" deitın Putinnıŋ süiıktı terminın bır emes, bırneşe ret qaitalady. Älgı jerde aiǧai-şu şyǧaryp, Saliuktıŋ şaŋyn qaǧyp aluǧa bolar edı. Özge ärıptesterdıŋ aldynda aşuǧa mınıp, şaranyŋ şyrqyn būzǧymyz kelmedı. Qazaqstannyŋ qor naryǧyna jauapty tūlǧanyŋ "spesoperasiia" dep sandyraqtap otyrǧany, aqparattyq salada orasan-orasan olqylyqtar baryn aiǧaqtap tūr. Qazaq tılınıŋ qarjy naryǧyna tūmsyq tyǧa almai otyrǧany da Saliuk sekıldı sarapşysymaqtardyŋ kesırınen. Putinnıŋ sūǧanaq saiasatyn qoldaityn būlardyŋ qazaq tılıne tūsau saluǧa tyrysatyny aidai aqiqat. Memlekettık tıldıŋ örısı keŋeise Saliuk sekıldılerdıŋ tynysy tarylady. Toqaevtyŋ tılge qatysty mälımdemelerı būlarǧa motivasiia bermeidı. Aitpaqşy, bū kısınıŋ biografiiasynda 3 tıldı jetık meŋgergen dep körsetıptı. Osy şarada qazaqşa saual qoiǧan ärıptesımızge orysşa jauap berdı, onysy üşın keşırım sūrauǧa da jaramady.