Almaty oblysynyŋ tūrǧyny özın jol boiynda qaǧyp ketken jürgızuşınıŋ bır aidan berı zaŋnan jaltaryp jürgenın aitady, dep habarlaidy "Adyrna" ūlttyq portaly.
"Dalanews.kz" saitynyŋ jazuynşa, Almaty oblysy Güldala auylynyŋ tūrǧyny Tazagül Jämeşova bır aidan berı ekınşı toptaǧy mügedek. Taŋǧy saǧat jetıde Almaty-Kökpek-Köktal tas jolynda jaiau jürgınşılerge arnalǧan jolaqtan ötıp bara jatqan Tazagüldı «Chevrolet Aveo» jeŋıl kölıgı qaǧyp ketedı. Alaida kölık jürgızuşısı jauapkerşılıkten jaltaryp, zaŋ aldynda jauap bermegen. Al jäbırlenuşınıŋ jazǧan aryzyn jauapty organdar eskerusız qaldyrǧan. Almaty tūrǧyny qūqyq qorǧau organdarynyŋ zaŋdy belşesınen basyp otyrǧanyn aitady.Tazagüldıŋ ınısı Almazdyŋ aituynşa, būl oqiǧa 2021 jyly 10 qazanda bolǧan. "Taŋerteŋgı uaqytta äpkemdı jaiau jürgınşıler jolaǧynan ötıp bara jatqan jerınen jeŋıl kölık qaǧyp kettı. Äpkem 8 metr jerge ūşyp tüsken. Qatty soqqydan sol jaq iyǧy, omyrtqasy, jambasy, baltyr süiegı syndy. Segız ai boiy tösekten tūra almai jatty. Qazır ekınşı toptaǧy mügedek. Tünde ūiqydan, kündız külkıden aiyryldy. Janyna tek aurudy basatyn därı ǧana järdem beredı", – deidı Almaz.
Tazagül Jämeşovany qaqqan kölık ışınde ekı er adam bolǧan. Kölık oqiǧasy bolǧan kezde jürgızuşınıŋ janynda otyrǧan jıgıt syrtqa şyǧyp, qatty soqqydan jol şetıne ūşyp tüsken äieldıŋ basyn köterıp: «Täte, bız sızdı qaǧyp kettık», – degen. Oqiǧa ornyna jedel-järdem kelıp, Tazagüldı tez arada Talǧar audanynyŋ auruhanasyna jetkızedı."Men äpkemdı qaǧyp ketken kezde, dereu sol jerge bardym. Kölık jürgızuşısı keşırım sūrap, barlyq jauapkerşılıktı öz moinyna alatynyn, äpkemnıŋ emıne kömektesetın aitty. Basqa tüskenge könesıŋ, adamgerşılıkke salyp, aryz jazbai-aq, qoiaiyn dedım. Bıraq, jürgızuşınıŋ adamşylyǧy bolmai şyqty. Äpkemnıŋ em-domyna kömektespek tügılı, qalyn sūrauǧa jaraǧan joq", – deidı Almaz. Almaz bır künnen keiın Talǧar audany polisiiasyna aryz tüsıredı. Polisiia «bärı zertteledı» dep, aryzdy alyp qalady.
«Aryz jazǧannan keiın polisiiaǧa habarlasyp tūrdyq. Olar ıs qaralyp jatqanyn aityp jürdı. Osy kezde äpkemdı qaqqan kölık jürgızuşısı bızge: «Jazǧan aryzyŋdy qaitaryp al, äitpese özıŋe jaman bolady», – dep qoqan-loqy körsete bastady. Menıŋ ekınşı äpkemnıŋ jūmysyna 5-6 er adam baryp qorqytyp ketken. Üş ai ötkennen keiın polisiiaǧa barǧanymyzda, ıstıŋ baiaǧyda jabylyp qalǧanyn aitty. Bız aŋ-taŋ boldyq. Jauapty organ bızge tıptı, būl turaly eskertken de joq», – deidı jäbırlenuşınıŋ ınısı Almaz.
Almaz taǧy da aryz jazady. Advokat jaldaidy. Bıraq, sotqa deiıngı tergep-tekseru organdary älı künge deiın ıstı sozyp, sotqa jıbermei otyr.
"Talǧar audany polisiia tergeuşısı kölık jürgızuşınıŋ «menıŋ kınäm joq» degen sözın ǧana aiǧaq etıp otyr. Onyŋ jaiau jürgınşıler jolyna jaqyndaǧanda saǧatyna 60 km jüruı tiıs ekenıne, baǧdarşamdy elemegenıne nazar audaryp otyrǧan joq. Eŋ soraqysy, polisiia menıŋ äpkemdı jaiau jürgınşıler jolaǧynan emes, odan 30 metr qaşyqtyqta, ötuge bolmaityn jerden ötken, kölıktıŋ astyna özı tüsken etıp qorytyndy şyǧaryp otyr. Äpkemdı qaǧyp ketken kezde, onyŋ basyn ūstap jylaǧan er bala jürgızuşınıŋ baldyzy. Maǧan ony jürgızuşınıŋ äielı öz auzymen aitqan bolatyn. Bıraq, polisiia ol jıgıttıŋ ornyna kuägerdı almastyryp, jazyqty taraptyŋ paidasyna şeşıp otyr. Odan qala bere, oqiǧa ornyna jetken jedel-järdemnen eşqandai tüsınıkteme almaǧan. Al, kölık oqiǧasy bolǧan jerdıŋ kartasy tek jürgızuşınıŋ aitqanymen syzyldy. Jürgızuşı äpkemdı qaǧyp ketkennen keiın ekınşı künı-aq, qūqyq qorǧau organdary tarapynan «arestke» alynǧan kölıgın jöndeuden ötkızıp, emın-erkın mınıp aldy. Būl zaŋsyzdyqtyŋ qalai ıske asqanyna tergeuşı jauap bergen joq. Tek jürgızuşınıŋ jaǧyna şyǧyp, bızdıŋ aryz-şaǧymymyzdy qūlaǧyna ılmedı", – deidı zaŋnan ädıldık ızdegen Almaz.
Onyŋ aituynşa, Tazagül Jämeşovany qaǧyp ketken kölık jürgızuşısınıŋ zaŋ organdarynda ısteitın "tuysy" bar körınedı. Qūqyq qorǧau organdarynyŋ ıstı sonşa sozbalaqtaǧanyna qaraǧanda, "tuystyqtyŋ" bır sebı tiıp tūrǧanyna kümän qalmaidy.
"Istı aşudan görı "jauyp tastauǧa" qūmar qūqyq qorǧauşy organdardy körgende, kökeige "Ädılettı Qazaqstanǧa jetu üşın älı qanşa jyldy sarp etemız?" degen sūraq keledı", – deidı araşa ızdegen Almaz myrza.
"Adyrna" ūlttyq portaly
