Almaty qalasynyŋ tūrǧyny Aza Dolgieva Qazaqstanǧa ǧana emes, TMD-ǧa tanymal AO LATTE «Rahat» konditerlık fabrikasynda jūmys ıstep jürıp bır qolynan aiyrylǧan. Qaiǧyly oqiǧa ötken jyldyŋ 22 jeltoqsanynda bolǧan. 47 jastaǧy äiel öndırıs kezınde 5 tonnalyq şokolad aralastyratyn maşinaǧa abaisyzda qolyn salyp, konveier bılegın kesıp tüsken, dep habarlaidy «Adyrna» ūlttyq portaly «Azattyq Rýhy» saityna sılteme jasap.
«Qolymdaǧy şüberek abaisyzda konş-maşinaǧa tüsıp kettı. Sol kezde apparat özı toqtap tūr dep oilap şüberektı almaqşy bolǧanymda bılegım pyşaqtyŋ astynda qaldy. Auruhanada qolyma amputasiia jasady. Qazır üşınşı top mügedegımın. Densaulyǧym 50% jūmysqa jaramsyz. Qolym älı künge deiın qaqsap auyrady. 3-4 aidan berı qolymdy qimyldatyp, joǧary kötere almaimyn. Qaiǧyly oqiǧa kezınde basşylyq em-domǧa qajettı şyǧyndardyŋ bärın köterıp alamyz, qajet bolsa protez salyp beremız dep uäde etken. Odan berı jetı ai öttı, jaqynda ǧana emge dep 1 million teŋge berdı. Būl bolmaşy qarajat emıme ketetın şyǧynnyŋ jartysyn da ötemeidı. Jalǧyz asyrap otyrǧan ekı balamnyŋ jaǧdai ne bolmaq?!» – dedı jäbırlenuşı Aza Dolgieva.Advokat Anna Dmitrievich atalǧan jaǧdaida kınänıŋ 80%-y jūmys beruşınıŋ moinynda deidı.
«Kompaniia o basta qyzmetkerlerın qoldausyz qaldyrmaitynyn auyzşa aitqan. Zaŋ boiynşa da bar şyǧyndy jūmys beruşı öteuı kerek. Bıraq jarty jyldan berı olar Azaǧa qoldau jasamaǧan. Aza endı kompaniiaǧa protezge mūqtaj ekenın qūjat jüzınde däleldeuı kerek eken. Onyŋ qolyna protez kerek ekenı közı bar adamǧa körınıp tūr emes pe?! 47 jasta mügedek bolyp, jūmysqa jaramsyz bolyp qaludyŋ qandai qiyn ekenın oilaudyŋ özı auyr. Al basşylyq bolsa kömekke mūqtaj adamdy ısten şyǧyp qalǧan zat sekıldı laqtyra salǧan», - dedı advokat Anna.Kompaniianyŋ piar mamany Natalia Timoşuktyŋ habarlauynşa, jäbırlenuşıge tiıstı kömek tolyqtai körsetıletın bolady. Bıraq jarty jyldan berı kelınşekke kömek körsetpeulerınıŋ sebebın tüsındırmedı.
«Bız jazataiym oqiǧa 2021 jyldyŋ 22 jeltoqsanynda Aza Dolgievamen bolǧanyn rastaimyz. Kompaniia zauytta öndırıs qyzmetkerlerı üşın önerkäsıptık qauıpsızdık jäne eŋbektı qorǧau boiynşa tūraqty nūsqaulyq ötkızıp, öndırıstegı osyndai jaǧdailardan aulaq boluǧa tyrysady. Aza kompaniia qyzmetkerı bolyp qalady jäne jaraqat alǧan sätten bastap oǧan tolyq kölemde eŋbekke jaramsyzdyq paraǧy tölenedı (ortaşa jalaqydan 100%), sondai-aq oǧan ūjymdyq şartqa säikes bastapqy mūqtajdyqtary üşın 1 000 000 teŋge mölşerınde materialdyq kömek körsetıldı. Aza jūmysqa qaita kırısuge daiyn bolǧan kezde, oǧan būrynǧy lauazymnan tömen emes eŋbekaqy töleu şarttary, jeŋıl eŋbek jaǧdailary bar pozisiia berıledı. Būdan basqa, oǧan naqty mölşerın saqtandyru kompaniiasy aiqyndaityn ai saiynǧy saqtandyru tölemderı taǧaiyndalatyn bolady. Kompaniia protezdı satyp aluǧa materialdyq kömek körsetedı. Sonymen qatar, bız balalardy joǧary oqu oryndarynda ärı qarai jūmysqa ornalastyru mümkındıgımen käsıporyn qarajaty esebınen oqytuǧa ūzaq merzımdı mındetteme alamyz», - dedı maman.Jazataiym oqiǧalar kezınde jūmyskerlerdıŋ qūqyqtaryn qorǧau maqsatynda «Lotte Rahat» AQ jyl saiyn mındettı saqtandyru şarttaryn jasaityndaryn alǧa tartty.
«Adyrna» ūlttyq portaly
