Būrynǧy prezidenttıŋ ınısı Bolat Nazarbaev «Almaty Steklo» zauytynyŋ bas direktory Äzım Abdullaevty sotqa berdı, dep habarlaidy "Adyrna" Ulysmedia.kz-ke sıltep.
Käsıpker būǧan deiın biznestı reiderlık basyp aludyŋ qūrbany boldym dep mälımdegen.
Äuezov audanynyŋ № 2 audandyq sotyna Bolat Nazarbaevtan ar-namysyn, qadır-qasietın, ıskerlık bedelın qorǧau jäne moraldyq ziiandy öteu turaly talap aryz tüsken. «Sotqa deiıngı hattamany daiyndaumen tatulastyru räsımı» 27 mausymǧa belgılengen.
Säuırdıŋ basynda Abdullaev 2006 jyly aşylǧan käsıporyn kırısın Bolat Nazarbaevpen bölısuge mäjbür bolǧanyn aitqan. Aituynşa, oǧan barlyq biznes nysandarynan ai saiyn 300 myŋ dollar tölep tūrǧan. Osylaişa 15 jyl ışınde Abdullaev Nūrsūltan Nazarbaevtyŋ ınısıne 60 million dollarǧa juyq aqşa audarǧan.
Zauytta 400-ge juyq adam jūmys ısteidı. Ol jylyna orta eseppen 100 million türlı bötelkeler men konservıler şyǧarady. Zauyt jylyna 5 million dollarǧa juyq tabys äkeledı.
15 säuırde Antikor reiderlık basyp alu faktısı boiynşa tergeudı bastaǧany belgılı boldy.
Eske salaiyq, 20 mausymda Bolat Nazarbaev pen onyŋ būrynǧy äielıne qatysty qylmystyq ıs qozǧalǧany turaly aqparat paida boldy. Istıŋ qozǧaluyna «KARUAN» JŞS qūryltaişysy Nūrşa Käkenovtıŋ reiderlık äreket turaly aryzy sebep bolǧany habarlandy. Būl turaly aqparatty Qarjy monitoringı agenttıgı rastady.
