Ötken aptada Qūrmanǧazy atyndaǧy Qazaq ūlttyq konservatoriiasynda Qazaqstan men Orta Aziiaǧa äigılı, Besqala jyraulyq dästürınıŋ körnektı ökılı Nauryzbek Nūrjaubaiūlynyŋ (1931-1994) «Nauryzbek jyrau şyǧarmalary» atty kıtabynyŋ tūsaukeserı öttı.
Kıtapty jyrşy, QR Mädeniet salasynyŋ üzdıgı, Qūrmanǧazy atyndaǧy Qazaq ūlttyq konservatoriiasynyŋ aǧa oqytuşysy Künqoja Qairulla qūrastyryp, alǧysözın jazyp, baspaǧa daiyndaǧan. Kıtap «Terme, tolǧau, öleŋder», «Arnaular, öleŋ hattar», «Än mätınderı», «Jyr-dastandar», «Maqalalar», «Estelıkter», «Jyrauǧa arnalǧan jyrlar» atty bölımderden tūrady.
Keşte söz alǧan jazuşy, dramaturg, T.Jürgenov atyndaǧy Qazaq ūlttyq öner akademiiasynyŋ professory Sūltanälı Balǧabaev: «Men bügıngıdei kezdesudı köp kütıp edım. Asyǧa kütken sebebım, men Qaraqalpaqstan qazaqtarymen bailanys jasaǧanyma biyl 35 jyldan asty. Menıŋ jazǧan pesalarym Nökıs qalasyndaǧy teatrlarda köp koiyldy, sonda Besqala halqynyŋ önerge, mädenietke degen yqylasy men qūrmetı erekşe ekenın körgen edık. 1989 jyly Qaraqalpaqstan qazaqtarynyŋ ädebietke, mädenietke jäne qazaq önerıne sıŋırgen eŋbegı jönınde «Enşımız bölınbegen el edık» degen maqala jazdym. Ol maqala ülken mäsele köterıp, Taşkentte, Özbekstannyŋ ortalyq partiia komitetınde talqylandy. Osylaişa, ekı eldıŋ bailanysyn, barys-kelısın nyǧaitu kerek» degen äŋgıme sol kezde bastalyp edı. «Nauryzbek jyrau şyǧarmalary» atty kıtaptyŋ jaryq köruımen qūttyqtaimyn. Qaraqalpaqstan qazaqtarynyŋ aqyn-jyraulary, olardyŋ şyǧarmalary ūşan-teŋız, nasihattalmai jatyr. Būl älı basy ǧana» dedı. Keştı Qazaqstan jazuşylar odaǧynyŋ müşesı, Tölegen Aibergenov atyndaǧy syilyqtyŋ laureaty, aqyn Ahmet Ömırzaq jürgızıp otyrdy.
Tūsaukeser merekesıne Sūltanälı Balǧabaev, Öserbai Särsenbaiūly, Adaibek Beiımbetov, Qūtmaǧambet Qonysbai, Şarafaddin Ämır, Berık Jüsıpov, Aigül Qosanova siiaqty elımızge belgılı öner ielerı men aqyn-qalamgerler jäne Nauryzbek jyraudyŋ zaiyby Ziba Ötegenqyzy qatysyp jinaq-kıtaptyŋ qazaqtyŋ önerı men mädenietı üşın maŋyzy zor eŋbek ekenın atap öttı.
Keşte äigılı jyrau Öserbai Särsenbaiūly jäne Künqoja Qairulla, Jangar Mämbetnazarov syndy jas jyrşylar Nauryzbek jyraulyŋ terme-tolǧaularyn oryndady.
Tūsaukeser merekesıne Sūltanälı Balǧabaev, Öserbai Särsenbaiūly, Adaibek Beiımbetov, Qūtmaǧambet Qonysbai, Şarafaddin Ämır, Berık Jüsıpov, Aigül Qosanova siiaqty elımızge belgılı öner ielerı men aqyn-qalamgerler jäne Nauryzbek jyraudyŋ zaiyby Ziba Ötegenqyzy qatysyp jinaq-kıtaptyŋ qazaqtyŋ önerı men mädenietı üşın maŋyzy zor eŋbek ekenın atap öttı.
Keşte äigılı jyrau Öserbai Särsenbaiūly jäne Künqoja Qairulla, Jangar Mämbetnazarov syndy jas jyrşylar Nauryzbek jyraulyŋ terme-tolǧaularyn oryndady.
Nūrbanu KAMAL,
"Adyrna" ūlttyq portaly
