Qairat Qūdaibergen tergeu izoliatorynda bolǧan jaǧdai turaly aşyp aitty, dep habarlaidy “Adyrna” ūlttyq portaly.
Tergeu izoliatorynda otyru türmede otyrudan äldeqaida jaman, sondyqtan tergeu izoliatoryndaǧy bır ai zaŋ jüzınde bır jarym aiǧa teŋ dep basa aitty käsıpker.
“ŪQK-nıŋ tergeu izoliatorynda kameralasyŋyzdan basqa eşkımmen söilese almaisyz. Ekeuıŋız enı ekı metr, ūzyndyǧy bes metrlık qapasty bölısesızder. Tereze syrtynan 60-70 sm qorşalǧan qorap tärızdı qūrylys bolyp tabylady, ol qabyrǧaǧa däl sol 60 sm oiyqpen şegelengen, kündız torǧa kün säulesı azdap tüsedı”, – dep jazdy ol.Stan.kz saitynyŋ mälımetınşe, belsendı izoliatordaǧy uaqytyn kır juumen ötkızgenın de atap öttı.
“Bız būl uaqytty kır juuǧa paidalanamyz. ŪQK-nıŋ tergeu izoliatoryndaǧy därethana 12/18 tergeu izoliatoryndaǧy äjethanaǧa qaraǧanda aşyq. Biıktıgı 1,20 qabyrǧa bır jaǧynda ǧana, al aldyŋǧy bölıgın özımız esıkpen jabamyz. Al esık dep otyrǧanym jai ǧana mata”, – dep jazdy ol.Sözınşe, onda aptasyna bır ret duşqa tüsuge bolady.
“Därethananyŋ astynda juynamyz, ol müldem şydamai bara jatqandaǧy mäjbürlık şara. Därethananyŋ aiaq deŋgeiınde jasalǧany qandai jaqsy”, – dedı ol.Onda jūmys ısteitın qyzmetkerlerdı käsıpker öte adekvatty adamdar, tıptı olar öz salasynyŋ naǧyz käsıbi mamandary dep atady.
“Artyq eşteŋege jol berılmeidı. Barlyǧy erejege säikes. Men aitqan närselerdıŋ bärı būl adamdardyŋ kınäsı emes. Būl – jüienıŋ kınäsı”, – dedı Qūdaibergen.Ol jatatyn oryndardy ūiyqtauǧa mümkın emes mettal jaqtau dep atady.
“Tösek – bölek azaptau materialy. Eger janaşyr qyzmetkerler fanera taqtaişasyn bermese, onda eşqandai ironiiasyz, berılgen matrasta ūiyqtap adamnyŋ omyrtqasy qisaiuy mümkın. Öitkenı būl jerdegı kereuet – bır-bırıne temır qūbyrlar men taqtaişalar boiymen jäne köldeneŋınen jalǧanǧan metall jaqtau ǧana. Olarda fanerdıŋ bır bölıgınsız ūiyqtau – naǧyz azap”, – dep tüsındırdı ol.Aituynşa, mūndaǧy küdıktıler resedivist qylmyskerlerden de naşar jaǧdaida otyr.
“ŪQK-nıŋ tergeu izoliatorynyŋ ǧimaraty ötken ǧasyrdyŋ 30-şy jyldary salynǧan. Osynda ata-babasynan aiyrylǧan atalarymyzdy NKVD-nyŋ itterı atyp öltırgen. Qazır mūnda jai ǧana qylmys jasady degen küdıkke ılıngen adamdar adamgerşılıkke jatpaityn jaǧdaida otyr. "Küdıktı" dep basa aitamyn, soǧan qaramastan olar mūnda resedivist qylmyskerlerden de naşar jaǧdaida otyr. Älı esımde, osydan 6-7 jyldai būryn halyqaralyq europalyq standartqa sai jaŋa tergeu izoliatoryn salu mäselesı talqylanǧan bolatyn. Bıraq ädettegıdei būǧan biudjetten aqşa bolmady alaida EKSPO 2017 üşın aqşa tabyldy. Mıne, ömır şyndyǧy. Bızdıŋ elde adam taǧdyry tarazynyŋ bır jaǧynda, körseqyzuşylyq bır jaǧynda bolsa, körseqyzuşylyq taŋdalady. Qūqyq qorǧau jüiesın özgertu kerek. Söz jüzınde emes, ıs jüzınde”, – dep jazdy ol.
