Bırge biznes jasap, janjaldasqan taǧy bır käsıpker Nūrbol Nazarbaevty kınälap, talap qoidy, dep habarlaidy “Adyrna” ūlttyq portaly Orda.kz saityna sılteme jasap.
Nūrbol Nazarbaevpen bolǧan janjaldy oqiǧada aiyptaluşylardyŋ bırı (özınıŋ ömırınen qorqyp) aşyq videorolik jariialady. Maksim Kostenko da «kümändı ısterge» aralasyp, Qairaqpaevtyŋ sözderıne aşyq beinejazba tüsırıp alǧan.
Osydan ekı aptadan az uaqyt būryn «Sapar Agro» serıktestıgınıŋ būrynǧy direktory Erjan Qairaqpaev Nūrbol Nazarbaevtyŋ qolynan japa şekkenın aitty. Osylaişa ol taǧy ekı adamdy aiyptady. Odan keiın şaruanyŋ serıgı Marat Nūrpeiısov aiǧaq keltırıp, özıne taǧylǧan aiypty joqqa şyǧarmaq bolǧan.
Eske salaiyq, Qairaqpaev özınıŋ videosynda 2013-2017 jyldar aralyǧynda Almatydaǧy «Altyn Orda» bazary men basqa da ırı dükenderge et önımderın jetkızumen ainalysqanyn aitqan. Sosyn Bolat Nazarbaevtyŋ ūly Nūrbol onyŋ käsıbıne qyzyǧyp, onyŋ sybailastary Marat Nūrpeiısov pen Maksim Kostenko ekeuı şaruadan 148 bas ırı qara, 452 bas ūsaq mal men üş jylqy alyp ketken.
Qarjyger ärı auditor Maksim Kostenko Qairaqpaevtyŋ videosyna qatysty pıkır bıldırdı. Alaida ol qazır öz ömırıne qauıptenedı.
— Menı bötennıŋ mülkın iemdenumen, reiderlıkpen ainalysty degendı estıp, taŋ qaldym. Būl taŋqalarlyq. Men auylda östım, bıraq mal ūrlyǧymen ainalyssam… taŋ qaldym, aitarǧa sözım joq,- dep ol beinajazbada öz oiymen bölıstı.Er adam keiın bıreuge öte qajet bolyp qalǧan jer telımın alǧanyn aitty. Ol satyp aludyŋ negızgı maqsaty — qaita satu nemese aktivtı damytu üşın investorlar tartu bolǧanyn tüsındıredı.
— Būl uchaskenıŋ nelıkten qyzyǧuşylyq tudyratyny tüsınıktı – būl öz infraqūrylymy bar ülken naryqtyŋ bır bölıgı. İnvestorlyq bolaşaǧy zor, men bılemın. Onyŋ bolaşaǧyn men ǧana emes, «Altyn Orda» bazarynyŋ qazırgı ielerı de tüsınedı. Menıŋ dosym Marat arqyly maǧan aktivtı arzan baǧaǧa satudy ūsyndy. Men bas tarttym, bıraq olar maǧan qūqyq qorǧau organdaryndaǧy bailanystary arqyly qysym körsetu mümkındıkterı bar ekenın aitty, – deidı Maksim Kostenko.Kostenko öz jerı üşın sotqa beruge jäne küresuge daiyn ekenıne sendıredı. Ol el basşylyǧy ainalasynda ne bolyp jatqanyn jäne belgılı bır adamdardy qyzyqtyratyn basqa da aktivterdıŋ bar ekenın bılmeidı dep sanaidy.
— Menıŋ estuımşe, Altyn Orda basqanyŋ qolyna öttı. Būl jaǧdai menıŋ otbasymda boluy mümkın. Bırdeŋe bola qalsa, menıŋ mülkımdı talap etetınder sol adamdar bolady. Beinejazbaǧa qaraǧanda ar-ojdan degen söz olardyŋ üş ūiyqtasa – tüsterıne kırmeidı. Olar üşın eŋ bastysy aqşa men jeke müdde», – dep tüiındedı Kostenko.Bıraq Kostenko naqty esımderdı atamady, qūjattardy körsetpedı. Sondai-aq qai uchaske turaly aityp jatqanyn naqtylamady. Degenmen, er adam jaǧdaidyŋ ozbyrlyqsyz şeşıletınıne senedı.
“Adyrna” ūlttyq portaly
