Jerdiń is qujattary Túrkistan oblystyq polıııa departamentiniń bastyǵy general-maıor Murat Qabdenovke jetkende, 15547,75 gektar jer aýdannyń qoryna ótti degen buıryq kelip tur...
Biz jaqta ne bolyp jatyr!?
Qazyǵurt aýdany, Altyntóbe aýyly okrýginiń 10000-ǵa jýyq halqynyń ishinen shyqqan belsendi bastamashy tobyndaǵy 35 jigit 10 aı boıy jer úshin baryn salyp kúres júrgizdi. Halyqty uıymdastyrdy, halyqqa túsindirý jumystaryn júrgizýden jalyqpady.
Osy istiń basy qasynda júrgendikten maǵan qolynan kelgen kómektiń barlyǵyn kórsetti. Júrer jolymdy da, kerek jaraǵymnyń bárin osy jigitter taýyp berip otyrdy.
Biz Altyntóbe aýyly okrýginiń 17000 gektarǵa jýyq jer telimderin halyqtyń ıgiligine qaıtarý úshin 3 ret Qazyǵurt aýdandyq sotyna TALAP-ARYZ túsirdik. Sot bizdiń talap-aryzymyzdyń úsheýin de qaıtaryp tastady.
Sodan keıin bizdiń sottyń uıǵarymdaryna bergen apellıaııalyq shaǵymdarymyz oblystyq sot pen joǵary sottyń keńselerin jaǵalap ketti. Jylǵa jýyq ýaqytymyz osyndaı arpalystarǵa jumsalyp, qaltamyzdan kóp shyǵyndaldyq. 10 aı ýaqytymyz oblys pen aýdannyń arasyndaǵy jolda ótti.
Sodan kóp uzamaı, belgili jýrnalıst, «ÁDILET-SARYAǴASh» qoǵamdyq birlestiginiń tóraǵasy Amangeldi Amangeldy Batyrbekov aǵamyz meniń feısbýkke jer daýlary boıynsha shyqqan maqalamdy kórip, «Bekbolat, sen tez arada maǵan kelip ketshi» dedi. Araǵa ýaqyt salǵan joqpyn. Taz arada Sagadılla Danıarov aǵamdy alyp, kólikke benzındi quıyp, Amangeldi aǵamyzǵa jetip keldik.
Sodan Amangeldi aǵamyz: «Bekbolat, sen ne istep júrsiń? Mynaý jaqta qandaı ózgerister bolyp jatqanynan habaryń bar ma?»-dep, maǵan burynǵy oblystyq jer ınspekııalarynyń bári respýblıka boıynsha «Jer resýrstaryn retteý departamentteri» bolyp ózgertilip, tikeleı QR Aýylsharýashylyǵy janyndaǵy Jer resýrstaryn retteý komıtetine qarasty bolyp, táýelsiz quzyrly organ bolyp qalyptasqanyn, budan keıin oblystyq ákimshilikterge baǵynbaıtynyn, ákimshilikterge jaltaqtaıtyn dáýirdiń aıaqtalǵanyn jetkizgende, tóbe kókke jetti.
Sodan tez arada shuǵyl áreketterge kóship, tapjylmaı otyryp jerdiń barlyq qujattaryn úsh kún boıy aqtaryp, basynan aıaǵyna deıin qaıta jazyp, rásimdep, daıyndap qoıǵan tusta, Amangeldi aǵam «Qazyǵurttaǵy jer daýy qylmysqa ulasty» degen feısbýktegi maqalamdy «S-INFORM» respýblıkalyq aqparattyq basylymyna shyǵaryp, Qazyǵurt aýdandyq prokýratýrasyna joldap, aýdannyń prokýrory Qanat Bazarbaevtyń qabyldaýyn surap, úlgerip tastapty.
12.05.2022 kúni Amangeldi Batyrbekov, Saǵadılla Danııarov aǵalarymmen kelip, Qazyǵurt aýdanynyń prokýrory Qanat Bazarbaevtyń qabyldaýynda bolyp, 2010 jyly Qazyǵurt aýdanynyń ákimi T.Alıevtyń zańsyz №153 qaýly shyǵaryp, ákimdik qyzmetkerleriniń qylmystyq jolmen qujattar rásimdep, jerdi halyqqa belgisiz korporaııaǵa ótkizgenin, nebári 9 jyldyń ishinde jerler 4 belgisiz mekemege ótip, jemqorlardyń paıdalanyp otyrǵanyn jetkizip, al ákimdik shyǵaran №153 qaýlynyń oblystyq arhıvterden tabylmaı, qujattardy belgisiz jolmen joıyp jibergenin, osyǵan qatysty tikeleı qylmystyq is qozǵaýyn suradyq.
Prokýrorǵa bergen aryzǵa 18 qujatty tirkep ótkizip, talonyn alyp qaıtyp kettik.
Sodan ne kerek, prokýror Qanat Bazarbaev bary-joǵy eki kúnniń ishinde ispen tanysyp, zerttep, «QR Ákimshilik proestik-rásimdik Kodeksindegi» kórsetilgen sońǵy merzimge qaramastan Túrkistan oblystyq jer resýrstaryn retteý departamenti men Sybaılas jemqorlyqqa qarsy is-qımyl ulttyq bıýrosynyń Saryaǵash aımaǵy boıynsha aýdanaralyq basqarmasynyń basshysy E.B.Asanovqa joldap jiberdi.
Ýaqytty bos ótkizbeı, men Amangeldi Batyrbekov pen Saǵadılla Danııarov aǵalarymdy ertip, tez arada Túrkistan oblystyq jer resýrstaryn retteý departamentiniń bastyǵy Qanat Myltyqbekovke kelip, qabyldaýynda bolyp, jaǵdaıdyń barlyǵyn túsindirdik.
Departamenttegi mamandarǵa jaǵdaıdy egjeı-tegjeıli túsindirip, jumys jasadyq. Jer resýrstaryn retteý departamentindegi mamandarmen Amangeldi aǵam habarlasyp, ýaqyt ótkizbeı, jaǵdaıdy sýytpaı bilip otyrdy.
Qanat Myltyqbekov myrza tez arada qol astyndaǵy mamandarǵa tapsyrma berip, qujattardy zerdelep, 2010 jyly Qazyǵurt aýdanynyń ákimi T.Alıevtyń zańsyz shyǵarǵan №153 qaýlysy oblystyq arhıvterden tabylmaǵany týraly qorytyndyny qolymyzǵa berip, isti oblystyq polıııa departamentine joldaǵanyn jetkizdi.
Qyzyqtyń kókesi sonda boldy. Is-qujattary 31.05.2022 kúni oblystyq polıııa departamentiniń bastyǵy general-maıor Murat Qabdenovke jetken soń, 31.05.2022 kúni keshki ýaqytta Túrkistan oblystyq aýylsharýashylyǵy basqarmasy tarapynan № 70-n/q buıryǵymen Altyntóbe aýyly okrýginiń 15547,75 gektar jer telimderi Qazyǵurt aýdanynyń jer qoryna ótti dep habar kelip tur.
Bizdiń qolymyzda qujattary tur.
Sodan biz Túrkistan oblystyq polıııa basqarmasynyń bastyǵy general-maıor Murat Kabdenovtyń qabyldaýyna kirip, jerge qatysty istiń mán-jaıyn aıtyp, qylmystyq is qozǵaýyn, proessýaldi sheshimder qabyldaýyn suradyq.
Sebebi, munyń astarynda sybaılas jemqorlyqqa ábden batqan, ákimshilik qyzmetkerleri tarapynan qylmystyq jolmen qujattar rásimdelip, halyqtyń nesibesin uzaq jyldar boıy jymqyryp kelgen áreketter bary taıǵa tańba basqandaı kórinip tur.
General-maıor Murat Qabdenov myrza bizge bir jaýabyn aıtamyz dedi.
Bekbolat QARJAE
