Baltabek Mūqaşev pen adam kapitalyn damytu qory EPGEducation otandyq tehnologiialyq holdingtıŋ damuyna $2,4 mln investisiia saldy.
Bugin Holding negızın qalauşylar aksionerler bolyp qalady jäne kompaniiany damytudy jalǧastyrady. Al investisiia önımderdı damytuǧa jäne şeteldık naryqtarǧa şyǧuǧa jūmsalady. 2022 jyly BuginHolding-tıŋ tabysy şamamen 2,8 mlrd teŋgenı qūraidy dep kütılude.
Bugin Holding üş salany qamti otyryp jūmys atqarady. Olar – qūndylyq, bılım, innovasiia! Atalǧan üş sala da kez kelgen adamnyŋ iaki memlekettıŋ bolsyn damuyna tıkelei äserın tigızedı. Mäselen, qūndylyqsyz adamǧa bılım darymaidy, al bılımsız innovasiiany köteru tıpten mümkın emes. Bugin Holding osy üş sala boiynşa qandai qareketter jasauda? Osy sūraqqa jauap retındekompaniianyŋ ekosistemasyn alǧa tartuǧa bolady.
Ekojüienıŋ alǧaşqy satysy – «OrdaGen» balalarǧa arnalǧan arnauly joba. Būl eŋbektep es bılgen balanyŋ boiyna dästür men dıldı daryta otyryp, qūndylyqtyŋ qūnaryn beru. OrdaGen-de qazırgı taŋda myŋnan astamertegı bar. Olardy mobildı qosymşa, kıtap jäne animasiialyq multfilm türınde taratyp, balalarǧa arnalǧan qazaqtıldı kontenttıŋ damuyna ülesın qosyp keledı. OrdaGen aldyŋǧy köşten erekşelenıp, qordyŋ köp bölıgın avtorlyq ertegıge ülestırdı. Onda bız būryn oqyp körmegen psihologiialyq, fantastikalyq janrlardaǧy ertegıler bar. Tört ırı qūndylyqqa negızdelgen ertegılerdı oqyp ösken bala, endı kez kelgen bılımdı tez sıŋırıp ala alady.
Osy oraida ekojüienıŋ ekınşı baspaldaǧy bastalady. Ol – Daryn.Online respublikalyq bılım beru platformasy. Daryn.Online qazaqstandyq oquşylarǧa uaqyt pen qaşyqtyq teŋsızdıgıne qaramai bılım aluǧa mümkındık beredı. Joba maqsaty – sapaly bılımdı qoljetımdı etu. Bügınge deiın platformaǧa 3,6 mln oquşy men 350 000 juyq mūǧalım tırkelgen. Platforma bazasynda BǦM standartyna sai jaŋartylǧan baǧdarlama boiynşa 1-11 synyp oquşylaryna 24 000 astam videosabaqtartüsırılıp, 250 000 test tapsyrmalary daiyndalǧan. Mektep tülekterı bılıktı metodister daiyndaǧan ŪBT baiqau synaǧyn 1 200 000 märte tapsyrǧan. Respublika boiynşa platformamen 2000 nan astam mektep jūmys jasaǧan.
Platformada oquşy men ūstazǧa qosymşa qoldau körsetetın bırqatar jobalar ıske qosyldy. Mysaly, Daryn Teacher qysqa uaqyttyŋ ışınde oquşynyŋ belgılı bır taqyrypty üirenuıne nemese üi jūmysyn tüsınıp oryndauyna küş jūmsaidy. Būl öz kezegınde platformada bılım beruşı ūstazǧa qosymşa tabys äkeledı. Qazaqstannyŋ barlyq ūstazdaryna tırkelıp, tabysyn arttyruyna mümkındık bar.
Ekojüienıŋ kelesı baspaldaǧy – Daryn Tandau. Aty aityp tūrǧandai, būl joba mektep bıtıruşı tülekterge nemese mamandandyrylǧan mektepterge tüsuge ümıtker oquşyǧa dūrys taŋdau jasauǧa kömek beredı. Būl jobany bırjaǧynan «virtualdy körme» dep atauǧa da bolady. Sebebıtaŋdau jasau üşın «qabyldau bölımın» şarlap qajetemes. Virtualdy körmede tek otandyq oqu oryndaryn ǧana emes şeteldık oqu oryndaryn da taŋdauǧa bolady.
Bugin.kz aqparattyq jäne tanymdyq baǧyttaǧy mediaplatforma. Platforma onlain media servister salasyn köteru jäne öz baǧyty boiynşa sapaly kontentūsynu ısın jürgızedı. Al, Educenter – būl onlain kursyn jasaǧysy keletın repetitor, bloger, infobiznesmendergearnalǧan platforma. Platforma är ekspert üşın jeke jasalady.
"EPG Education mındetı - sapaly jäne qoljetımdı mektepter qūru. Qazaqstan naryǧynda bılım beru platformalary arasynan köş bastap tūrǧan Daryn.Online jobasyna investisiia qūiu bızge oqytudyŋ oŋtaily onlain jäne oflain formatyn jasauǧa kömektesedı. Būl Qazaqstan boiynşa milliondaǧan oquşylarǧa sapaly bılım aluǧa mümkındık", - dedı EPG Education direktory Dosym Besbai.
Al Baltabek Mūqaşev: "Bugin Holding önımderı, sonyŋ ışınde Daryn.Online mektep oquşylary üşın geografiialyq şekteulerdı joia otyryp, öŋırlerde sapaly bılım beru üşın ülken maŋyzǧa ie joba. Mysaly, auyl oquşylary ırı qalalardaǧy mūǧalımderden qaşyqta otyryp-aq qosymşa bılım ala alady. Negızgı mamandyǧym mūǧalım bolǧandyqtan bılım beru jüiesıne ne qajet ekenın bılemın ärı bılım salasyndaǧy mäselelerge bei-jai qarai almaimyn. Bugin Holding-tıŋ negızın qalauşy jıgıtter de otandyq bılım beru ısın jaŋa deŋgeige köteru üşın oqytudyŋ innovasiialyq standarttaryn ūsynyp otyr. Sondai-aq bızge şeteldık naryqtarǧa şyǧu üşın otandyq jas IT kompaniiany qoldau maŋyzdy", - dep öz oiymen bölıstı.
Bugin Holding ūjymynyŋ alǧa qoiǧan maqsattary men josparlary barşa qazaq jastaryn jıgerlendıredı desek artyq aitpaǧan bolar edık. Tartylǧan investisiia holding jobalaryn Qazaqstan naryǧynda damytuǧa, sondai-aq LMS jaŋa önımı (mektep prosesterın avtomattandyru) men TMD-daǧy alǧaşqy gibridtık mekteptı qūruǧa jūmsalady. Sondai-aq, Daryn.Online men EduCenter jobalaryn Özbekstan naryǧyna şyǧaruǧa qarajat salynady. Odan keiın Orta Aziia men İrannaryǧyna şyǧu josparlanuda. Osylaişa otandyq startap joba älemge äigılı brendke ainalmaq.
“Adyrna” ūlttyq portaly
