| Qazaqstandaǧy ūltşyldar daiyn bolyŋdar degen taqyryppen Sergei Vasilev esımdı oqyrman jelıge ūltşyldarǧa bailanysty jaŋa jazba jariialaǧan. Eŋ qyzyǧy ony "Qazaqstannyŋ Orys, slavian jäne kazak ūiymdary qauymdastyǧy" zaŋdy tūlǧalar Respublikalyq bırlestıgınıŋ töraǧasy, eks deputat Vladimir Bojko özınıŋ Facebook jelısındegı paraqşasynda bölıstı, - dep habarlaidy “Adyrna” ūlttyq portaly Caravan.kz saityna sılteme jasap. |
"Qazaqstandaǧy ūltşyldar daiyn bolyŋdar! Reseidıŋ bas prokurory İgor Krasnov Qazaqstannyŋ bas prokurory Berık Asylovpen kezdestı. "Mūnyŋ aitu jaǧymsyz, bıraq ukrainalyq ükımettık emes ūiymdardyŋ qoldauymen Qazaqstanda rusofobtyq äreket oryn aluda dep maǧan habarlauda. Bızdıŋ mamandar ekstremizm men terrorizmge qarsy ıs-qimyl täjırbiesımen almasu üşın şılde aiynda Nūr-Sūltanda qalasyna barady", - dedı Krasnov. Köp ūzamai tūrandyqtar, türlı ūltşylar sazaiyn alady degen ümıt bar. Qazaq tıldı saiasatkerlerge lentalaryn tazalap, endı aqymaqtyq söz jazbauǧa keŋes beremın", - dedı Sergei Vasilev.Bırneşe saǧattan soŋ, Vladimir Bojko da, Sergei Vasilev te jazbany öşırıp ülgerdı. Bojkonyŋ oqyrmandary "Repostty ne üşın jasap otyrǧanyn tüsınbedım. Būl qazaqtardy qorqytu ma?", "Bojko myrza memlekettık qyzmette otyryp repost jasauy qazaq halqyna aitqan raqmetı me?", "Qazaqtar eşqaşan ūltşyl bolǧan emes. Bız soǧysqa qarsymyz. Ömır körsetkendei, bız öte meiırımdı halyqpyz. Bızdı qorqytudyŋ qajetı joq dep" pıkır qaldyrdy.
“Adyrna” ūlttyq portaly
