Almaty prokuraturasy balalardy satu turaly habarlandyrular ornalastyrylǧan şeteldık internet saityn anyqtady, dep habarlaidy «Adyrna» tılşısı.
Jaŋa tuǧan balalarynan bas tartqysy keletın äielder säbilerın uäkılettı organdar men sottyŋ tiıstı şeşımınsız beitanys adamdarǧa satqysy kelgen.
Sonymen qatar saitta balalardy zaŋsyz jolmen asyrap alǧysy keletın adamdardyŋ jappai habarlandyrulary bar ekenı anyqtaldy.
«Alatau audanynyŋ prokurory sotqa saitty zaŋsyz dep tanu jäne onyŋ Qazaqstan aumaǧyndaǧy qyzmetın toqtatu turaly ötınışpen jügındı. Sot qadaǧalau organynyŋ ötınışın qanaǧattandyrdy. Materialdar QR QK-nıŋ 128-babynda közdelgen qylmysty jasau, iaǧni adam saudasy mänıne tekseru jürgızu üşın qūqyq qorǧau organdaryna jıberıldı. Atalǧan qylmystyq qūqyq būzuşylyq üşın mülkı tärkılenıp, 15 jylǧa deiıngı merzımge bas bostandyǧynan aiyru türındegı jaza közdelgen»,— delıngen habarlamada.
