Pavlodar qalasynda jaŋa qazaq tıldı mektep-liseiı boi köterdı. Qazır oquşylar qabyldanuda. Jaŋa oqu jylynan esıgı aiqara aşylady. Būl turaly keşe, Pavlodar oblysynyŋ äkımı Äbılqaiyr Sqaqov respublikalyq BAQ ökılderıne bergen brifingı barysynda mälım ettı.
Ertıs-Baian öŋırınde jyl sanap qazaq tıldı mektepterge degen sūranys artyp keledı. Resmi statistikaǧa jügınsek, bügınde oblys boiynşa barlyǧy 359 mektep bolsa, onyŋ 138-ı, iaǧni 39%-ynyŋ oqytu tılı – qazaq tılı. Soŋǧy bes jylda memlekettık tılde bılım beretın mektepterdıŋ qatary artqan. Sonyŋ ışınde tört aralas mektep tolyǧymen qazaq tılıne auysty.
Endı mıne, būl tızım taǧy bır su jaŋa bılım ordasymen tolyqpaq. Pavlodar qalasynda jaŋadan salynǧan «Saryarqa» şaǧyn audanynda oryn tepken mektep tūsauy biyl küzde kesıletın boldy. Būl oblys ortalyǧyndaǧy lisei därejesı bar alǧaşqy qazaq tıldı mektep bolmaq.
«Mektep qūrylysy tolyǧymen aiaqtaldy. Mūnda bır auysymda 650 oquşy bılım alatyn bolady. Nysan aldaǧy jaŋa oqu jylynan bastap resmi türde jūmysyn bastaidy. Qazır oquşylardy tırkeu boiynşa tiıstı ötınışter qabyldanuda. Äleumettık, bılım salasyna jauapty mamandar tiıstı taldau jürgızdı. Sūranysqa orai būl mektepte memlekettık tılde bılım beruletın bolady», - dedı aimaq basşysy Ä.Sqaqov respublikalyq ortalyq kommunikasiialar qyzmetınde söilegen sözınde.Qazaq tıldı mektepterge degen sūranystyŋ artqanyn Pavlodar oblysynyŋ bılım beru basqarmasyndaǧylar keltırgen myna bır mysaldan aiqyn baiqauǧa bolady. Pavlodar qalasynda Bauyrjan Momyşūly atyndaǧy bılım ordasynda 700-ge juyq oquşy artyq oqidy. Iаǧni, jükteme tym joǧary. Mekteptıŋ üş auysymǧa ötu qaupı tuyndauda. Būl ondaǧy bılım sapasyna, sanitarlyq jaǧdaiǧa kerı äserın tigızerı sözsız. Sondyqtan atalǧan bılım beru ordasynyŋ bıraz oquşylary ata-analardyŋ kelısımı boiynşa «Saryarqa» şaǧyn audanyndaǧy jaŋadan boi kötergen lisei-mektebıne auystyrylmaq. Būl ekı mektep bır-bırıne jaqyn ornalastyrylǧan.
